無綫《萬千星輝頒獎典禮 2022》今晚於將軍澳電視城舉行，有傳踢波受傷的林敏驄，手持拐杖現身紅地毯，而眾女藝員繼續中門左開鬥性感，如視后大熱的煒哥，低胸加上露腰，成功力壓一眾花旦，未攞獎先贏一仗，煒哥說：「係何國鉦專登為我設計，隆重其事梗要閃啲，自己都要好努力去演繹，所以今朝都只係食咗早餐，唔敢再食嘢。」
而胡定欣及陳曉華同樣以黑色低V加騷長腿，而女配角大熱的蔣家旻難得性感，笑言希望有機會憑戰衣上台攞獎，「其實自己好少性感，但呢條裙係設計師特別設計俾我，啲水晶仲花咗兩日時間親手貼上去，我呢幾日都好緊張，搞到無咩胃口食嘢。」而則以一身吊帶低胸紅裙出場再送上大露背，相當性感搶鏡。
