Advertisement

芷珊約您|陳慧琳素顏似師奶被阿仔當阿四 預告10年後學黎明坐住唱快歌

本地
2024.05.27
撰文:孜卓芹
Kelly話十年後會效法黎明坐喺度唱快歌。
Kelly話十年後會效法黎明坐喺度唱快歌。

陳慧琳(Kelly)於昨晚(26日)播出的節目《芷珊約您》擔任嘉賓,主持黎芷珊除了北上廣州直擊Kelly的巡迴演唱會演出,還與她進行深度專訪。
巡唱翌日,一班忠實粉絲在酒店門口等待Kelly,Kelly來者不拒大方與粉絲合影。芷珊問到Kelly家中兩名兒子是否她的小粉絲時,Kelly秒速回答「肯定唔係」,並自嘲在家中角色是「阿四」:「想使我做乜就做乜,要我拎嘢俾佢哋,好煩㗎。偶像媽咪?冇呢啲嘢。」2015年紅館巡唱,Kelly帶過兩名兒子上台,但當時兩子年紀還很小,仍未懂事,轉眼間大仔已15歲、細仔12歲,Kelly直言大仔最近才知道自己擁有一位Superstar媽咪,並要求偶像媽咪簽名送給同學們:「佢叫我簽幾張,我話簽定一疊俾你返去慢慢派,話啲老師都係我fans,佢就覺得媽咪真係得㗎喎!」

Kelly同粉絲合照,來者不拒。
Kelly同粉絲合照,來者不拒。

Kelly貴為天后在人來人往的鬧市食街邊檔,吸引大批途人圍觀。被外界公認含住金鎖匙出世,「要風得風,要雨得雨」的Kelly,她與芷珊大談背後的真相,以及花錢價值觀的看法。她謂:「唔係講到咁誇張、咁有水(錢),中上啦!自己唔係萬花筒,應使則使,要值得,唔可以亂咁揮霍。我唔鍾意over price買over price咗嘅嘢,一分錢一分貨我OK。有紀念價值,或者舞台上面嘅嘢會捨得。」原本Kelly打算在巡唱過後,買手袋和戒指獎勵自己,但因需要為另一個演出預備服裝,笑言賺到錢也要貢獻出來。

Kelly貼地食大牌檔,吸引好多途人圍觀。
Kelly貼地食大牌檔,吸引好多途人圍觀。

至於天后如何培育兒子金錢觀念?Kelly指兒子們從同學仔身上聽到「Actress、singer一定好有錢」,會回來問父母家境是否富裕?即使如此,兒子們的「孤寒」金錢概念,為這位偶像媽媽省下不少金錢:「任何嘢只要過100蚊就覺得貴,佢哋好孤寒㗎!」Kelly指大仔有紀律,細仔聰穎不用操心,故不擔心他們因知道家中有財力支持而變得懶散,倚靠屋企。

whatsapp-image-2024-05-27-at-14-41-36-4

 Kelly兩名仔仔喺2015年紅館演唱會上過台。
Kelly兩名仔仔喺2015年紅館演唱會上過台。

現年51歲的Kelly美貌似吃了防腐劑一樣,凍齡指數爆燈!她向芷珊自嘲沒有化妝的樣子似師奶,自認貪靚,從來不會素顏出街。身形、皮膚狀態不能騙人,講到她與實際年齡不乎,Kelly認為跟睡眠質素,及情緒管理得好有關:「我覺得裏面緊要過外面,情緒要控制得好。喺呢個社會每個人都有壓力,睇你點handle。我應該係高手,因為我瞓到,瞓到覺好緊要!」至於如何舒緩壓力,Kelly認為不要將得失看得太重要,並舉例若經常mon實社交網數字可有上升,甚至留意Haters留言,一有打擊便會「喺個天跌落嚟」:「唔使放到件事咁大,譬如呢個作品唔得,或呢張相冇咁多數字(讚好),咪下一個囉,累積㗎嘛,唔係得一樣嘢。」

 Kelly對金錢價值觀係應使則使,尤其花喺舞台上嘅嘢!
Kelly對金錢價值觀係應使則使,尤其花喺舞台上嘅嘢!

談到十年後的陳慧琳會是怎麼樣?Kelly表示會效法天王黎明坐着唱快歌,笑言年紀大有心無力;她更向十年後的陳慧琳說:「做得好呀你,因為我知道你每一日都盡力去做,一定會係非常之好!」最後,Kelly向芷珊分享一個小秘密,經常做運動鍛鍊身體的她,原來非常怕凍!訪問當日,現場放置四個暖爐包圍住Kelly,而她身上亦有六個暖包,她不禁笑言:「我哋喺廣州咋,搞到好似喺北京咁!」

星級企業大獎2020 陳卓賢 MIRROR
人氣 TRENDING
王力宏 梅艷芳 李靚蕾 姜濤 MIRROR ERROR 張家朗 香港小姐 聲夢傳奇 炎明熹