Advertisement

胡杏兒演潑辣三夫人嗌爽 為見3個仔甘做空中飛人

本地
2024.05.08
撰文:孜卓芹
胡杏兒開心角色受歡迎,辛苦都是值得。
胡杏兒開心角色受歡迎,辛苦都是值得。

胡杏兒有份參演的大熱內地劇集《惜花芷》,日前播出大結局,劇中杏兒飾演的潑辣三夫人一角深受劇迷喜愛,網民更為她起個新名叫「古典夫人」!

杏兒被網民封「古典夫人」。
杏兒被網民封「古典夫人」。

對於獲得觀眾好評欣賞,杏兒開心說:「呢個角色一開始都幾潑辣,口硬心軟,觀眾鍾意我演呢類比較氣勢強勁嘅角色,睇完感覺好爽,其實我都鍾意演呢類角色,有得同人鬧下交吖嘛。我都希望香港嘅觀眾可以睇到,始終自己有一段時間冇拍古裝。」杏兒角色跟家族的其他夫人,戲內明爭暗鬥,但戲外感情相當融洽,更會一齊研究如何拍攝,加強角色之間的張力,一班演員在煞科時亦非常不捨,不停影合照留念。杏兒又講起去年拍攝期間,剛好身在橫店的秦沛,專程來到片場探班,令她非常感動。

秦沛來橫店探班。
秦沛來橫店探班。

對杏兒來說,今次參演另一難忘地方,就是在橫店拍攝時候正值炎夏:「我哋好多時都係喺廠入面拍攝,雖然有冷氣,但係你著住闊袍大袖,梳住個古裝頭,戴上頭飾都真係幾熱,唯一好處就係可以流汗幫手減肥。」除了戲服帶來的挑戰外,最令她感到辛苦就是要跟老公和三個寶貝仔分隔兩地,杏兒情願犧牲休息時間,都要趁拍劇空檔穿梭香港和橫店,把握時間跟家人相聚,「自己變咗做空中飛人,老公都叫我計下自己過去一年有幾多次坐飛機、坐高鐵返嚟香港,但我都捱得同覺得一切都值得。」

老公都有來探班。
老公都有來探班。

在內地人氣持續高企的杏兒,現在同時接拍兩套劇集,分別是跟羅晉合演的《時差一萬公里》,以及跟孫儷演出的《三十九二十八》,這次亦是二人7年前合演大熱劇《那年花開月正圓》之後,再次同框演出,早前開拍消息一出,即時牽起劇迷集體回憶,大家都非常期待兩位視后再一次互鬥演技!

MIRROR 姜濤 聲夢傳奇
人氣 TRENDING
王力宏 梅艷芳 李靚蕾 姜濤 MIRROR ERROR 張家朗 香港小姐 聲夢傳奇 炎明熹