Advertisement

肥姐逝世14年|鄭欣宜發長文悼亡母 「人愈大愈珍惜她那種不離不棄」

本地
2022.02.19
撰文:TSO PUI YU

b050729b041

今日(19日)是沈殿霞(肥姐)的忌日,愛女鄭欣宜在社交網貼出一張與媽媽的合照,並撰寫長文悼念離開她14年的亡母 ,相中見肥姐緊抱着欣宜,欣宜則靠着媽媽撒嬌,張開口大笑。欣宜寫道:「睇吓我個樣幾頑皮。喺我返舊相嘅過程中,發現由6歲至13歲期間影過嘅所有相入面,我個樣都係古靈精怪。」

screenshot-2022-02-19-at-2-50-34-pm

欣宜又留言:「你以為我影相時做鬼臉係因為要掩飾對自己外表嘅不滿?可能都有關嘅⋯但係我知,佢都知:安安靜靜、乖乖女女、正正經經、坐定定的對我來講先至係一種掩飾。之前都講過細個時嘅自己真係好曳。當我嘈喧巴閉、跑來跑去、坐唔定嘅時候佢只會大聲喝我一聲『鄭欣宜』再加多一個嚴厲眼神我就會靜止下來(其實通常唔使講任何野,𥇣我一眼就夠)。」

欣宜指頑皮上來,肥姐會嚴厲地掌摑她:「但當我最跩最跩例如蝦婆婆,或者突然變Moody黑起塊面冇禮貌唔睬人或者講大話時⋯佢真係會兜巴星我。然後佢就會叫我跪喺地下掹住耳仔。最搞笑係,俾佢打完,我梗係會喊啦~佢就會叫我『唔準喊!』吓!?!」

screenshot-2022-02-19-at-2-15-00-pm

她說被每次媽媽教訓後,肥姐總會哄她,向她解釋錯在哪,「所以喺我又掙扎緊想喊但又唔準喊⋯又反思點解我會俾佢打俾佢鬧,自己做錯啲乜嘢⋯當我開始感到內疚時真係諗得通了,佢一定會叫我『過嚟,錫返』。然後我就會好似隻小胖羊走到佢身邊,貼住佢。佢就會攬住我,好聲好氣同我解釋我錯喺邊度。佢會同我解釋⋯其實打我佢仲痛過我。」

欣宜說仍會等一個媽媽般愛惜她的人,「今年35歲了。佢都走咗14年了,人愈大愈珍惜她那種不離不棄。無論我有多壞,無論我令佢多失望,到最終佢都會叫我『過嚟』然後錫返我。如果我搵到一個⋯同樣對我不離不棄⋯ 當我嘈喧巴閉、跑來跑去、坐唔定嘅時候⋯當我唔覺意發洩我嘅脾氣喺別人身上、突然變Moody黑起塊面冇禮貌唔睬人(yes, i still do this often)、當我唔知點處理問題然而瞞騙世界,進入報喜不報憂的狀態嘅時候⋯都能接受我嘅好與壞,在任何情況的最終都會叫我『過嚟,錫返』嘅人⋯就好啦。」

欣宜說會等一個媽媽般愛惜她的人
欣宜說會等一個像媽媽般愛惜她的人

部分圖片來源:鄭欣宜@Instagram

陳卓賢 MIRROR 星級企業大獎2020
人氣 TRENDING
王力宏 梅艷芳 李靚蕾 姜濤 MIRROR ERROR 張家朗 香港小姐 聲夢傳奇 炎明熹