Advertisement

美麗戰場|陳山聰陳瀅爆seed互片 黑化家寶奸過反骨琪

本地
2022.10.26
撰文:卡琳
09
《美麗戰場》踏入結局周,昨晚高潮位落在一言Sir(陳山聰飾)與家寶(陳瀅飾)兩場決裂戲。

無綫台慶劇《美麗戰場》踏入結局周,昨晚(25日)高潮位落在一言Sir(陳山聰飾)與家寶(陳瀅飾)兩場決裂戲,山聰咄咄逼人的「攞彩」對白相當吸睛:「由你個心諗住離開我嗰一刻開始,我哋就唔會好嚟好去,你個心都變咗喇,我仲要你嚟做乜?」之後再咬牙切齒:「遲早有一日我會放生你,就係你再冇利用價值嘅時候。」

愈講愈激動的他更怒吼︰「本來你遇上我係一場美夢,係你逼我成為你嘅噩夢!」一言Sir句句有骨,兼對家寶老公宇少(方力申飾)及好友靜兒(劉佩玥飾)踩到盡,令家寶氣得面容抽搐、含淚咆吼反擊:「你就算留得住我個人,根本留唔住我個心!」二人相當有戲,網民大讚睇得過癮:「今集睇得好爽,話咁快又做完。」

昨晚另一焦點就是家寶黑化之謎終告解開,被一言Sir逼到埋牆的家寶,到前度家明(張馳豪飾)經營的餐廳散心,豈料在「老地方」碰到舊情人與好友小美(陳曉華飾)言談甚歡,原想與家明傾訴的家寶頓時冇癮兼木無表情離開。備受打擊的家寶,反客為主「狙擊」一言Sir,與好姊妹靜兒「設局」公開一言Sir患腦退化消息,期間更向有所猶豫對錯的靜兒說:「係你教我㗎嘛,做人唔可以心軟」,配以逐漸變冷表情,令人心寒。

終極黑化的阿寶,事後刻意走上office「欣賞」一言Sir「暴走」,似笑非笑地拿着雜誌句句衝着一言Sir:「你冇事呀嘛?」、「你做咩睇醫生呀?邊度唔舒服?」,難怪葉念琛預告家寶將比琪琪更加奸!不少網民認為小美是幕後黑手,認為她明知家明是家寶一生最愛,不應瞞着家寶與男方交往,又謂若家寶知道家明已返回香港,說不定不會嫁給宇少。

姜濤 MIRROR 陳卓賢
人氣 TRENDING
王力宏 梅艷芳 李靚蕾 姜濤 MIRROR ERROR 張家朗 香港小姐 聲夢傳奇 炎明熹