Advertisement

美麗戰場|丁子朗首做渣男有難度 樊亦敏演港姐保母鬧人超搶戲

本地
2022.10.11
撰文:Rita
丁子朗玩弄感情兼食軟飯。
丁子朗玩弄感情兼食軟飯。

無綫台慶劇《美麗戰場》,丁子朗飾演「渣男」程裕進,上周已露出狐狸尾巴,背着女友小美(陳曉華飾)追求靜兒(劉佩玥飾)並加以誣衊,令好姊妹反目。本周裕進再下一城,玩弄小美感情兼食軟飯,昨晚裕進以追夢為由再向小美苛索七至八萬港元。對於首度做「衰仔」,丁丁坦言有留意網上有不少人鬧他「油膩」,並指渣男角色對他來說有點難:「我未做過咁嘅角色,通常我啲角色都係比較正面,所以要諗辦法拿捏番個位。」

尋晚呢場「搶錢」戲,網民都覺得佢好狼死。
尋晚呢場「搶錢」戲,網民都覺得佢好狼死。


丁丁指劇中最難忘對白是「我咁靚仔,唔係唔溝女呀嘛」,並謂收到劇本時很掙扎:「我會諗係咪真係要講,但導演話一定要。」問到現實中自己會是什麼類型情人時,丁丁謙稱謂:「絕對唔係完美情人,所以每次拍劇都令我學識,原來咁樣做會令對方唔開心,然後不斷儲經驗幫自己改善。」

陳瀅呢個冷笑都有啲嘢。
陳瀅呢個冷笑都有啲嘢。

昨晚故事「穿梭」於2006年及2022年之間,阿寶(陳瀅飾)與靜兒亦由原本的閨密變成針鋒相對的「陌路人」。昨晚還有演港姐保母Cat姐的樊亦敏超搶戲,對參選佳麗采華(葉蒨文飾)打晶晶(郭柏妍飾)毒針,Cat姐不但未有中計更直斥采華:「咩叫唔好話你篤人背脊啫,你根本上就係篤緊佢背脊啦,我淨係問佢去咗邊啫,你講咁多嘢做咩啫。唔好話我話你吖,唔抵得人哋熱門呀依家!」大快人心兼勁有霸氣,短短數句Solo位已獲網民大讚「好演技」,不過Cat姐雖看似正義,但卻似乎與家寶有牙齒印,家寶更咬牙切齒向她說:「你唔記得唔緊要,我鍾家寶喺呢行出名記性最好!」令人更期待劇集之後的選美情節。

樊亦敏夠霸氣。
樊亦敏夠霸氣。

 

聲夢傳奇 姜濤 陳卓賢
人氣 TRENDING
王力宏 梅艷芳 李靚蕾 姜濤 MIRROR ERROR 張家朗 香港小姐 聲夢傳奇 炎明熹