Advertisement

羅曼蒂克衰亡史|與女主角拍親密鏡頭勁尷尬 吳保錡:我最叻同男人Kiss

本地
2022.10.01

img_6524

ERROR成員吳保錡(Poki)作為今年新人,其個人作品《猥瑣》大獲好評,所以他繼續以同一班底,製作於今日推出的新作《羅曼蒂克衰亡史》,Poki與女角在MV中的親密鏡頭更勝《猥瑣》,不過Poki指親密程度都不及跟隊友何啟華(Dee)在過去於電視節目中的Kiss鏡頭。

Poki這次乘勝追擊,繼續找來舒文監製、黃偉文(Wyman)填詞,打造新作《羅曼蒂克衰亡史〉,Poki表示:「做完《猥瑣》之後,我同舒老板、花姐搵咗好多Demo,聽咗好多首都唔係好鍾意,後來聽到呢首歌我同花姐都喜歡,就揀咗Larry Wong呢首作品。上次搵咗Wyman寫,好希望佢繼續可以幫我,而佢又肯,所以非常感恩。」

img_6247

這次Poki在MV中繼續做兵,但他同時也是一位精神病患者,不停有FF畫面出現,「我這位精神病人幻想好多愛情經歷,但全部都係幻想出嚟,最終女方係冇出現過。其實MV都係講緊做一隻兵,你可能會無私奉獻俾你鍾意嘅人,但佢身邊已經有一個佢鍾意嘅人,你永遠只能做佢後備。好多嘢都係我哋呢啲兵自己幻想出嚟,好美好,但都只係虛構。」

今次Poki親自找來YouTuber雪瑤參與MV演出,似是繼續自肥,他說:「上次搵咗Heidi(李靜儀),今次想搵新啲嘅面口,睇下會唔會做到新嘅感覺,想俾人睇到不論MV或唱功都有全新感覺。喺熊仔頭個show見到雪瑤嘅表現、佢嘅樣,我覺得佢適合個MV,就邀請佢返嚟。」

img_6251

MV其中一幕是Poki幻想與所愛的人咀嘴,在充滿美感的畫面上都不乏親密鏡頭,想不到親密程度令他變得十分怕醜,一臉尷尬。他回想說:「未試過演呢啲戲,今次係冇kiss到,只係扮kiss,不過咁近都有少少緊張。過去我只奉獻過俾阿Dee,我最叻同男人Kiss!同異性係未試過,所以喺鏡頭前咁多人喺度,有少少驚同拘謹。」

姜濤 MIRROR 陳卓賢
人氣 TRENDING
王力宏 梅艷芳 李靚蕾 姜濤 MIRROR ERROR 張家朗 香港小姐 聲夢傳奇 炎明熹