Advertisement

網民狠批楊千嬅未夠班做《中2》評判 伍仲衡反擊網民冇常識 周啟生:衝出嚟維護無恥嘅人至尊無恥

本地
2024.03.22
撰文:齊森

50fd168d-cd44-4478-bc77-fa3bca388e31

b0d94958-ed23-49b1-b456-9daf9f3a053a

0b6efa97-60a8-41f9-a9f8-2a739c33dd1c

《中年好聲音2》決賽將於本周日(24日)舉行,7強名單有安雅希、陳俞霏、黃劍文、譚輝智、古淖文、顏米羔、沈宗賢。早前無綫公布當晚評審會由楊千嬅擔任,而蔡琴更出任表演嘉賓。
楊千嬅擔任評判一事,網民反應兩極,有網民批評她未夠班做評審,指7強參賽者可能全部唱得比她好,亦有網民力撐楊千嬅「其實千嬅嚟做評判都要比你哋鬧?你要搵晒啲唱歌好掂嘅?仲要千嬅唱歌根本唔差,國內咁多歌手佢都可以咁紅,證明唱功!佢喺國內開演唱會門票秒殺,證明人氣!請佢做嘉賓有何不可?難道伍仲衡識唱歌?」
事件在網上引起熱議,兩輯的常駐評審伍仲衡亦中槍,並還擊網民,「冇常識嘅人先會覺得做歌唱比賽評判一定要唱歌好聽。」又指冇人要求要做嗰個範疇就要識晒所有嘢,「以前成日睇樂評同影評,從來冇覺得啲樂評人要識作曲,從來冇覺得啲影評人要識拍戲,道理一樣啫。」


事件繼續發酵,向來敢言的周啟生在晚亦在社交平台發表言論,反問有人覺得唱歌比賽評判,不需要唱歌唱得好,是甚麼邏輯?「一個唔係作曲家,唔係編曲家,唔係音樂人,唔係綜藝科監製高層,同音樂並無其他關係,只係一個人人都認為唱歌唱得唔好嘅女歌手,擔任一個唱歌比賽嘅評判。有人撐佢認為做呢個唱歌比賽評判,係唔需要唱歌唱得好,我想問呢個係乜嘢偉大精警邏輯?係唔係孕育一個新香港去接受一啲完全冇水平嘅嘢?無恥嘅人永遠無恥,衝出嚟維護無恥嘅人至尊無恥。」
周啟生其實廿年前曾狠批過楊千嬅根本不適宜唱歌,當年遭到網民猛烈攻擊,他去年亦有發文重提舊事,「活在一個奇特嘅城市叫做香港,音樂藝術在流行市場裏面,其實商業佔了大部分。一個歌手會否成名,同佢本身音樂嘅能力同天份絕對不成正比例!在這環境工作差不多五十年了,曾經合作,共事嘅成名歌手也有很多,其中有着漂亮外型、俊朗、性感身材嘅也有不少…….經驗所見,真正成名利就,同唱歌好叻或者音樂造詣好高嘅,絕對唔成正比例。我經常掛喺嘴邊嘅都以實力行先,差不多20年前我曾經講過楊千樺根本唔適宜唱歌!當時畀人鬧到飛起,而家人人都鬧緊佢。改變嘅並非係事實而係大家嘅心態……寄語香港嘅迷哥迷妹,再瞓身誓死保護偶像同時,唔好忘記實力兩個字,否則香港音樂界前途堪虞….Alas!」

姜濤 陳卓賢 聲夢傳奇
人氣 TRENDING
王力宏 梅艷芳 李靚蕾 姜濤 MIRROR ERROR 張家朗 香港小姐 聲夢傳奇 炎明熹