Advertisement

約齊靈魂在墳墓開生日派對| 柳應廷為新歌倒轉背誦歌詞添怪異感 「百變Jer」笑長指甲造型諸多不便

本地
2024.06.29

whatsapp-image-2024-06-29-at-03-25-20
柳應廷(Jer)新歌《約齊靈魂在墳墓開生日派對》,從歌名到歌詞內容到編曲都怪誕到底,予人離奇怪異的感覺,而歌曲MV同樣貫徹這種感覺,Jer在MV中更化身惡夢中的怪人,在夢中控制眾人的一舉一動。
 

whatsapp-image-2024-06-29-at-03-25-15

《約齊靈魂在墳墓開生日派對》的MV是《筆觸男孩憂鬱之死》MV的延續,在經歷死亡之後,Jer今次在MV中重生,慶祝自己再次誕生於這個世界上,但卻化身在惡夢中大家會夢見的怪人。Jer特別介紹MV概念,「我同導演想喺MV建構一個奇怪氛圍,因為發夢通常都會發啲奇怪內容,所以今次MV裡面就有婆婆從口中拎出蛋糕,冇靈魂學生喺夢中被指揮跳舞,仲有扭曲肢體嘅舞者,同埋互相掌摑嘅新婚夫婦,所有人嘅行徑都荒誕至極。」不過更荒誕的是,Jer是在背後控制眾人舉動的怪人!

 whatsapp-image-2024-06-29-at-03-25-21

為了呈現光怪陸離的畫面,Jer的角色更在MV中出現了兩個造型,透過化妝令觀眾更容易代入角色。Jer介紹道:「其中一個係畫咗紅色牛角喺臉上面,因為Drum Solo一Part好襯著日式服裝,然後我突然諗起一個喺網上見過嘅造型,係好似牛魔王;以前好似冇乜人試過扮牛魔王,咁我就用咗呢個造型,放喺比較Powerful嘅呢一Part,啲衫係比較似打日式太鼓戰衣嘅感覺。」

whatsapp-image-2024-06-29-at-03-25-19

至於另一個造型,Jer去得更盡,「呢個角色係今次呢個MV嘅主線,亦即惡夢嘅本身,所以另一個造型係著住藍色西裝褸,褸上面印有骷髏骨,胸口扣咗一個有血有肉嘅心臟小裝飾,頸上面仲有一隻好得意嘅銀色道具手掛喺度,表達喺惡夢入面好似被人捏住條頸唞唔到氣嘅感覺。雙眼噴黑,雙手亦噴上銀色,指甲亦十分長,仲戴咗全白色嘅隱形眼鏡。兩個造型都唔係一個好樸素嘅Jer,而係以特技化妝示人,想俾大家可以代入到呢首歌嘅故事。」拍攝當日,Jer更要於專賣帛事花圈的花店拍攝,配上這個怪異造型,現場也瀰漫著陣陣陰森恐怖感。
whatsapp-image-2024-06-29-at-03-25-16

 為了兩個造型,Jer與團隊花上很多時間化妝,再加上今次是以倒拍形式,令眾人的肢體動作都變得奇奇怪怪,脫離現實,而Jer更要倒轉背誦歌詞,所以拍攝過程變得十分漫長,Jer更經歷了24小時的拍攝。除此之外,造型也為Jer帶來不便,他解釋道:「長指甲好唔方便,又唔可以食嘢,又唔可以去廁所,執自己個袋都執唔到,但出嚟效果幾得意。」Jer透露之後再推出的第三首歌同樣怪異,「加埋之後第三首歌,就變成一個奇幻系列,整個系列係比較超現實,想像空間亦多啲,等大家可以睇到一個Jer腦海裡面嘅世界。」
whatsapp-image-2024-06-29-at-03-25-22

MIRROR 星級企業大獎2020 陳卓賢
人氣 TRENDING
王力宏 梅艷芳 李靚蕾 姜濤 MIRROR ERROR 張家朗 香港小姐 聲夢傳奇 炎明熹