由阮兆祥、李思捷、王祖藍主持的扮嘢真人Show《福祿壽訓練學院》，今晚（19日）播出第六集。繼李思捷及阮兆祥上周極速以熱爆新聞人物何伯＋何太look，直踩《逆天奇案2》大結局現場引爆熱話，本周由於何伯何太事件再有新進展，為了緊貼新聞熱話，將最新鮮滾熱辣的笑料呈現觀眾眼前，福祿壽團隊再次展現「極速神還原」功力！今日，祥師兄及思捷以何伯何太最新裝束現身電視城，為本集《福祿壽訓練學院》拍攝特備環節，團隊這次更找來節目「扮工室助理」郭珮文（Juliana）扮演因訪問何伯何太時有出色表現、備受讚賞的「東張女神」梁敏巧。
三人今早齊齊以99.9%原裝Look為節目進行拍攝，祥師兄的「大星星」黑白裙配以Satine絲巾及披肩長髮，加上全程嬌羞小鳥伊人Tone對着思捷又挨又詐嬌，再次發放笑彈。製作組率先曝光了節目四大必睇笑位，分別為「A For Apple」、「花叢漫步」、「古惑提款機」及「神秘手扣」，驟眼睇落相當無厘頭。祥師兄及思捷事後受訪時，亦再次對製作組在道具及服裝方面的神還原能力表示讚嘆，二人更異口同聲表示必須感激TVB服裝、道具及化妝同事的齊心協力：「佢哋真係好犀利，點解可以喺咁短時間，搵到咁一模一樣嘅衫架呢，尤其條絲巾真係似到不得了。呢班同事其實一路以嚟喺我哋嘅製作方面都幫咗好多，真係勞苦功高。」
凡事一條心的「福祿壽」，要還原新聞人物自然少不了王祖藍的參與。據知，祖藍是次會一人飾演多個角色及身份，還會為特備環節搞笑獻聲。
