Advertisement

石修米雪大馬「共諧連理」 「我哋夫妻感情已經培養多年」

本地
2024.04.16

whatsapp-image-2024-04-16-at-4-00-38-pm日前,石修米雪到馬來西亞為當地劇集《名門》進行開鏡儀式。在《名門》中,米雪飾演的上流名媛顏麗萍,是飾演富商的石修的第二任妻子。在丈夫逝世後,米雪原本扮演賢內助角色,被迫面對家族內部的紛爭壓力,面對多方壓力,她將如何解決?

石修和米雪79年於無綫
石修和米雪79年於無綫電視劇《絕代雙驕》演情侶

其實米雪和石修這對多年好友,自1979年在電視劇《絕代雙驕》初次合作後,至今已合演五次情侶,這次終於「修成正果、共諧連理」飾演夫婦。石修表示二人的「夫妻情感」已培養多年,「三、四十年前,我同雪姐已經係演情侶。」米雪接着說:「可惜冇開花結果。」石修笑謂:「雪姐一路唔肯應承我,今次真係非常之好彩,一開始我哋已經係夫妻,我有結果、有答案啦,哈哈!」談到劇中角色,米雪直言石修都是一貫的「靚仔、有型、有錢」,石修聞言即謂:「如果要配合雪姐,我一定係要咁樣,哈哈!」

米雪自言經常到馬來西亞,石修則多年未有到訪,這次一到埗便瘋狂開餐,「食咗好地道嘅肉骨茶,個味係特別香、仲有潮州小炒、海南雞、仲有一個好特別嘅芽菜仔,我直頭夾兩啖芽菜就可以送到一碗飯。」聽到石修狂食,「太太」米雪即溫馨提示:「喂,唔好食咁肥呀!要開工㗎!」「老公」即聽話回應:「我知道㗎喇,但有時忍唔住,因為太多好嘢食!」當眾曬恩愛!

陳卓賢 姜濤 星級企業大獎2020
人氣 TRENDING
王力宏 梅艷芳 李靚蕾 姜濤 MIRROR ERROR 張家朗 香港小姐 聲夢傳奇 炎明熹