Advertisement

監製期望爭取拍續集 周嘉洛與黃建東拍牀戲感不安

本地
2022.08.22
撰文:王崇頴

 

 

 

whatsapp-image-2022-08-22-at-4-02-57-pm-1

周嘉洛、陳瀅、王灝兒(JW)、朱敏瀚、張頴康、韋家雄、李君妍、安德尊、黃建東等今曰出席《痞子殿下》活動,周嘉洛於活動上玩遊戲輸了,慘被眾人用衣夾夾勻全身,相當搞笑 。

whatsapp-image-2022-08-22-at-4-01-42-pm
嘉洛表示與黃建東拍牀戲時,不斷有種不安的感覺,無論感官及身體接觸,笑言開始懷疑自己瀨瀨哋嘢,但作為演員又唔可以拒絕。

上周劇情講到百勝國國師(黄建東飾)到訪首振鎮,而周嘉洛與朱敏瀚為了接近國師而男扮女装、但想不到周嘉洛的女裝扮相、竟迷倒了國師,稍後兩人更有段牀戲,今日黃建東於記者會上笑指拍攝時被嘉洛頂到,但反而周嘉洛表示對他的演出有種不安感,「我同黃建東拍牀戲時,不斷有種不安的感覺,無論佢嘅眼神、感官及身體接觸,都開始懷疑自己瀨瀨哋嘢,但我作為演員又唔可以拒絕,好彩拍完之後,繼續見返陳瀅比較多,所以唔使睇心理醫生。」

 

今次劇集自播出後,收視及口碑一直高企,周嘉洛表示希望收視繼續高企,打算與幾位主角一起請食飯,但先要詢問其他主角意見,「希望台前幕後可以一齊食餐飯,如果我一個人請,就要儲吓錢先足夠,況且我一個人請,好似搶鋒頭咁,我算咩先?所以要同其他演員商量一下,或者大家夾錢 。」

whatsapp-image-2022-08-22-at-4-02-58-pm-1

 

監製陳耀全對於今次收視及口碑好,自言希望有機會開續集,「好開心,播出後收視同口碑都好好,暫時未知會唔會有機會開續集,我當然都希望,一眾演員都期待,但都要睇公司決定,或者播埋呢兩星期,再睇吓收視,我都會盡量去且爭取!」

聲夢傳奇 姜濤 星級企業大獎2020
人氣 TRENDING
王力宏 梅艷芳 李靚蕾 姜濤 MIRROR ERROR 張家朗 香港小姐 聲夢傳奇 炎明熹