Advertisement

白晝如焚|獲「福岡旭日國際電影節」頒「特別功績賞」 鄧麗欣拍完兩年仍未抽離角色

本地
2023.12.03

p2899794997

鄧麗欣(Stephy)最近代表電影《白晝如焚》,飛往日本出席「福岡旭日國際電影節」,更獲頒「特別功績賞」,成為首位獲得此項殊榮的香港演員。

Stephy返港後,昨晚(2日)於尖沙咀出席電影《白晝如焚》首輪優先放映會,與香港觀眾分享得獎喜悅及拍攝點滴,她表示連日出席電影優先場,皆因相當重視《白》片角色及觀眾評語,感到非常緊張,幸好獲得不少鼓勵及欣賞,因此親身到場感謝大家支持,更與在場傳媒分享對首批欣賞觀眾反應大感驚喜:「結局對我嚟講相當哀傷,噚晚參與咗兩場優先場,第一場嘅觀眾係仲要消化,比較沉重;而第二場嘅觀眾就充滿笑容,呢個反差令我相當深刻!」

whatsapp-image-2023-12-03-at-16-26-37-2

Stephy於謝票期間,憶起《白》片角色的悲痛經歷,不禁哽咽及落淚,她笑言:「噚晚喺大家面前喊,真係好醜樣!拍攝《白晝如焚》呢部電影,情緒相當投入,雖然拍攝完成超過兩年,一度以為自己抽離咗角色。估唔到上個月喺倫敦世界首映,自己喺大銀幕睇返忍唔住喊,感覺全程都唞唔到氣。噚日喺另一場分享返某個重要場景,角色嘅情緒突然間一湧而上,原來感受仲係咁深。」

whatsapp-image-2023-12-03-at-16-26-37-3

對於在「福岡旭日國際電影節」獲頒「特別功績賞」,Stephy感覺振奮:「呢個獎英文叫Career Achievement Award,我覺得好振奮,提醒我要達成更多成就,好開心得到電影節嘅鼓勵,而我會繼續努力。」對於被看好可以憑《白晝如焚》於來年的金像獎再下一城,Stephy表示:「當然希望努力得到大家嘅認同,不過隨緣啦,最希望大家鍾意部戲。」

whatsapp-image-2023-12-03-at-16-26-37-10

陳卓賢 星級企業大獎2020 MIRROR
人氣 TRENDING
王力宏 梅艷芳 李靚蕾 姜濤 MIRROR ERROR 張家朗 香港小姐 聲夢傳奇 炎明熹