Advertisement

瑪嘉烈與大衛系列絲絲|廖子妤演「瑪嘉烈」意想不到 與陳湛文再合作有晒默契

本地
2024.03.23

whatsapp-image-2024-03-23-at-14-18-28-14

ViuTV原創劇《瑪嘉烈與大衛系列絲絲》由陳湛文(Peter)和廖子妤(Fish)擔綱演出。Fish一向兼拍電影和電視劇,今次擔任電視劇女主角狽重戲分,被問及兩者拍攝感受上有何分別,她表示:「因為今次較多戲分,對演員嚟講,帶領角色嘅過程同故事會完整咗,同角色相處嘅時間比較充足,拍電視劇會趕啲,唔可以take咁多次,要背熟啲對白先得。」Fish更坦言自己既興奮又緊張:「《瑪嘉烈與大衛》系列深受大家喜愛,自己都係前幾輯嘅觀眾,真係估唔到我可以做『瑪嘉烈』呢個角色,我個角色就係劇名,對我嚟講都幾大壓力。」

Peter與Fish今年經常合作,由舞台劇至電視劇,互相對足大半年,Fish感到幸運:「我個人容易緊張,一見到佢(指Peter)都好開心,大家唔洗重新培養感情都已有默契。」Peter指自己與大衛這個角色有少許距離,更指挑戰性很大:「我有睇曬成套《絲絲》嘅小說,劇本改篇後始終同小說有少少出入,所以跟劇本做法,然後再喺小說入面攞返啲感覺令自己再實在啲。」

whatsapp-image-2024-03-23-at-14-18-28-12

劇集講述瑪嘉烈(廖子妤飾)和大衛(陳湛文飾)分手後,靜極思動的瑪嘉烈與城中名廚烈火(傅孟柏飾)展開新一段戀情;而在外遊歷已久的Diamond(衛詩雅飾)卻在此刻鳥倦知還,和大衛共同經營「大文號」水餃店。當瑪嘉烈和大衛都以為各自與他人展開新一章,命運卻又悄悄把兩人,與他們的他人都微妙地連繫在一起,記述兩人藕斷後繼續絲連的微妙愛情經歷。

聲夢傳奇 MIRROR 陳卓賢
人氣 TRENDING
王力宏 梅艷芳 李靚蕾 姜濤 MIRROR ERROR 張家朗 香港小姐 聲夢傳奇 炎明熹