Advertisement

玲玲友情報|麥玲玲爆舊事指控被農夫呃錢?曾因C君主動拜年疑神疑鬼

本地
2024.06.30

19

麥玲玲帶領施焯日(Arthur)及蔡景行(行仔)主持的清談節目《玲玲友情報》,昨晚(29日)一集邀請了玲玲師傅好友農夫擔任嘉賓,三人一坐低即瘋狂互窒,原本她銳意擔任「狙擊手」,以尖銳問題殺到出名牙尖嘴利的農夫片甲不留,最終反過來成為他們的夾擊對象,相當爆笑!

16

玲玲一開始便強烈指控農夫是騙徒,指二人經常有意無意要求她轉錢,雖然事後全數歸還款項,但玲玲還是因為農夫沒有支付利息,故深感被騙;純粹搞笑的師傅邊說時邊忍不住大笑,令農夫大感無奈。

之後,玲玲再指控C君當年任職J2創意總監時經常玩失蹤,更無視她的「搲撈」找了蘇民峰師傅擔任J2風水節目主持,不過C君強調真正派檸檬者是玲玲師傅,並笑言多次致電對方表示有愛情節目等埋她埋位時,玲玲都是以一句「我未返嚟香港喎」為由,以致合作未能成事。C君又玩踢爆,細細聲向玲玲師傅隱名爆:「同埋我又唔係搵阿XX(做節目)」,玲玲聞言即表現激動:「咁又係,唔係我就絕交喇。」全程在旁食花生的陸永見狀即加多兩錢肉緊大玩「猜猜我是誰」:「有一位師傅,佢(指玲玲)唔係好啱嘅,第一性別唔同,第二連個名都唔同。」

無所不「爆」的三人,席間還提及一件昔日「拜年」趣事,事緣被玲玲定位為「冷漠派」的C君,有一年主動提議到玲玲師傅屋企拜年,竟因而招來玲玲疑神疑鬼,事後農夫更自此於農曆新年期間絕迹玲玲師傅家,事件竟離奇地與蕭正楠扯上關係。三人談及當時情景時依然笑個不停,當中尤以玲玲師傅最為興奮:「有一年過年,佢(C君)係都話要嚟我屋企食飯,我以為佢整蠱我,我覺得你係唔會無端端話要拜年嘅。」C君聞言即作冇癮狀:「從此咪冇再拜過咯,拜一次年就講一世!我去拜吓年啫,佢就諗住我哋梗係嚟拍嘢喇。」此時陸永再加一腳:「佢(玲玲)開門見到我哋冇cam man冇剩,失望到哩。」被輪流夾擊的玲玲師傅誓不罷休,即席提出兩大疑點力撐自己:「第一,係都要去我屋企食,第二,佢(C君)個人好ad hoc(意指即興),嗰次四日前問我攞地址,原來就因為嗰個蕭正楠!」原來當時提早想要地址的人是蕭正楠,一個如此正路又簡單的要求也能令玲玲姐內心如此「翻騰」。

即將迎來25周年的農夫,席間大談慶祝大計,玲玲即打蛇隨棍上問二人會否考慮改名。之後,行仔天真地問農夫:「會唔會搞圍酒?」即時焫着C君,C君說:「你真係覺得我哋毫無音樂價值㗎喎!」之後眾人東拉西扯,將話題扯至有傳聞指C君當年結婚獲玲玲師傅送上價值等同「首期」的人情,對此C君回應:「我唔知師傅喺邊度買樓啦,但佢俾我嗰個人情真係做到首期嘅,如果喺明朝。」玲玲師傅又自爆當初一早已睇好農夫,不過卻遭自家司機潑冷水:「佢兩個好似核爆過後咁喎,你真係覺得佢哋會紅?」說畢惹來哄堂大笑,陸永即忍不住反擊:「你可唔可以出你司機嘅尊容,我想睇一睇啫!」

聲夢傳奇 MIRROR 姜濤
人氣 TRENDING
王力宏 梅艷芳 李靚蕾 姜濤 MIRROR ERROR 張家朗 香港小姐 聲夢傳奇 炎明熹