Advertisement

王菀之因氣管問題食藥導增10多磅 為音樂會身兼多職慶幸「內心小孩」強大

本地
2024.07.06

whatsapp-image-2024-07-06-at-15-48-37
王菀之(Ivana)《The Heart Canvas》音樂會昨晚(6日)於西九文化區,自由空間大盒劇場展開。Ivana在台上表示:「好多謝大家出席我演出,咁多年出席我嘅演出,同支持我音樂作品。肥波兔係代表我嘅內在小孩,每個人嘅內在小孩無論幾多歲都係到㗎。喺大家成長過程之中,你可能會迷失,好驚,或者不知所措點處理問題,或者會覺得好失望 ,但係內心小孩係好純靜,係原本嘅你, 佢一路發光,一路等待你之中,大家可以隨時call 佢出來 ,陪你行你想行嘅路 。 喺到祝福大家,想做嘅事都可以做得到,同我一樣,呢個旅程,有好多人陪伴,好多謝大家。」

whatsapp-image-2024-07-06-at-15-48-33

是次音樂會分了兩部份,歌迷不單可以零距離觀賞,亦變為演唱會的一部份,更可以拿着飲品,與Ivana一齊chill。Ivana今次把演出曲目大部份重新編曲,整晚大家都被她的音樂感動及震憾,每觀眾拍爛手掌,亦有歌迷不時大叫「你好型啊」、「好靚」、「瘦咗」,Ivana 就搞笑道:「我都覺得好型,哈哈。 好靚…我估係咪燈光效果好啊?好果燈光再暗啲我重靚,哈哈。」她又跟觀眾分享,跟一班音樂家聚一起,原來是好震憾同感動,「有一日總採排,我排排下真係想喊,因為佢地彈得實在太好,自己都比自己音樂震憾到。」

whatsapp-image-2024-07-06-at-15-48-32-1
騷後,Ivana直言自己的內心小孩是非常強大,一直帶領她完成今次音樂會的夢想,「今次8成歌曲都要重新編曲,得我一個….又要身兼多職,連剪片、藝術製作同裝置等等,都係自己搞埋,今次音樂會有種做學生交功課的感覺囉,每一日都好多人催我問交得未啊…. 但係過程都開心嘅….」

whatsapp-image-2024-07-06-at-15-48-39

昨晚重新編曲的《水百合》讓全場驚艷, Ivana指這個《水百合》這個版本是在京都旅行時編曲,工作人員第一次聽到她演出都大感震撼,提到有觀眾讚她瘦了,她就笑言:「其實係冇瘦,因為氣管問題,反而因為食藥導致最近反增了10多磅。」不少歌迷更留言希望她這個騷一定要出碟,因為歌曲非常好聽, Ivana則表示完成之後七場演出再作決定。

 

星級企業大獎2020 姜濤 MIRROR
人氣 TRENDING
王力宏 梅艷芳 李靚蕾 姜濤 MIRROR ERROR 張家朗 香港小姐 聲夢傳奇 炎明熹