無綫台慶禮日子愈來愈近，亦代表視帝視后爭奪戰好快打到嚟。
而今午記者發現維基百科《萬千星輝頒獎典禮》欄目竟然有「更新」，意外發現連提名都未有，已有2017年度的獎項得主！當中各個獎項已被鐵定：最佳劇集為林志華監製的《踩過界》，最佳男主角為「Signal Wong」王浩信（《踩過界》），最佳女主角為鮑起靜（《同盟》），最佳男配角則是演漸凍人症的羅樂林（《踩過界》） ，而最佳女配角由姚子羚《同盟》獲得。
而今次憑《不懂撒嬌的女人》大熱的唐詩詠榜上冇名，難道是鮑姐《同盟》的風頭已完全蓋過唐詩詠傷心的眼淚？幸好「游生」袁文傑和「Mall姐」宣萱，被安排為「最受歡迎電視男女角色」。
當然，維基百科有時資料未能盡信，因任何人都修改維基百科的資料（更何況連提名名單都未出），只是此舉比以往「商台女員工」的消息更耐人尋味。大抵，當作網民一心希望推上報的熱情。而拜託屆時別又安排「Do姐有兩票」……
據知，每年《萬千星輝頒獎典禮》於十二月才舉行，而提名名單會於TVB台慶（19/11）舉行後才會公布，所以各位視民／網民千萬不用那麼心急揣測喔！
圖片來源：互聯網