Advertisement

狀王之王|金剛 王子涵感情線竟臨時加插? 姚子羚愛反串扮男人 分享黐鬚秘技

本地
2024.02.17

 whatsapp-image-2024-02-17-at-14-44-39-1

無綫劇集《狀王之王》昨晚(16日)「至尊計狀元才」章節正式完結,宋世傑(王浩信飾)一行人以計中計中計,成功欺騙礦工老闆王浩信(彭廸安飾)和官二代談正堂(何浩文飾),奪得10萬両黃金和礦場地契,並將之發給曾遭王浩信迫害的景德鎮百姓;由於宋世傑伸張正義解救當地百姓,獲推舉為狀王之王!下周結局周將展開最終回「使節姦殺案」,萬眾期待的陳浩民將會終極登場。

whatsapp-image-2024-02-17-at-14-44-39-18

 

經過「至尊計狀元才」事件後,阿九(金剛飾)和小鳳(王子涵飾)感情大躍進,但原來金剛與子涵的感情線是臨時加插的,肥仔聰受訪時透露:「拍攝阿九扮談正堂時發現劇本有啲唔妥,所以臨時改劇本加咗阿九同小鳳嘅感情線,之後仲將後面幾場戲全部改晒,仲要即刻拍,金剛同子涵喺完全冇準備之下背咗4頁對白,最後佢哋都好順利咁完成拍攝,好專業!」在最終回「使節姦殺案」的劇情中,將講到阿九向小鳳告白成功,兩人更會上演深情激吻,惟兩人確立關係後不久,小鳳卻遭逢不幸,阿九知道真相後失控爆喊,更間接令到世傑與玲瓏感情生變!

 whatsapp-image-2024-02-17-at-14-44-39-26

此外,王浩信、姚子羚和林子聰日前一同開Live宣傳劇集,談到兩位主角不時要反串,子姚笑指自己扮男人已相當有心得,並分享黐鬍鬚學問:「黐鬍鬚都有分唔同階段,鬚渣黐完之後就唔可以掂,因為唔小心揩到就會甩咗一忽,鬍鬚就黐啲膠水黐喺嘴唇上面個位,但係就唔可以大笑,因為會勒住!」她又笑言發現自己鍾意扮男人:「因為可以慳番化妝時間。」劇中曾反串孫阿姐的浩信則大嗌辛苦:「每日要預早兩個鐘開工,如果7點鐘開始拍,我5點鐘就要開始化妝,平時男演員都係提早1個鐘,不過為咗靚冇辦法。」有網友提到子羚飾演的玲瓏不夠惡,對此子羚預告「好惡在後頭」:「大家睇落去就知!」至於子聰則大爆角色叫「何守信」之謎:「其實原本係叫何守順,點知後期打錯字打咗信字,我原本都話寫錯喎,但佢哋話改就要改好多個字,咁最後就將錯就錯,因為呢個名大家都有親切感!」 

陳卓賢 MIRROR 星級企業大獎2020
人氣 TRENDING
王力宏 梅艷芳 李靚蕾 姜濤 MIRROR ERROR 張家朗 香港小姐 聲夢傳奇 炎明熹