Advertisement

狀王之王|扮男人化醜妝網民勁Like 姚子羚好享受情緒大上大落?

本地
2024.02.03

whatsapp-image-2024-02-03-at-16-23-50

由王浩信、姚子羚、張達明、陳浩民、金剛、王子涵、陳楨怡、林子聰等主演的電視劇《狀王之王》,昨晚(2日)一集展開新個案「幽靈新娘案」,劇情講述富家千金林惠敏(鄧伊婷飾)大婚之日離奇失蹤兼留下遺書,惠敏父親林慶(王俊棠飾)將矛頭直指窮女婿湯文武(莫家淦飾)。湯文武與林慶事後先後請求宋世傑(王浩信飾)代打官司,林慶因開出高酬金500両成功請得宋世傑做狀師,玲瓏(姚子羚飾)為此大為氣結。此時另一名狀楊鳴(趙永洪飾)殺出,以幫湯文武為名在公堂上處處與宋世傑對着幹‥‥‥宋世傑之後就案件展開深入調查,期間竟碰到疑似已變成水鬼的林惠玲,事件相當耐人尋味。

另外,姚子羚昨晚表現異常搶焦,更將美女包袱全然拋開。由於婚後宋世傑處處留難,玲瓏為保「宋太」之名,不斷要遊走發火、忍氣吞聲及扮嬌嗲之間,期間又因不齒宋世傑為錢打官司,一度嬲至「聲都拆埋」。除了「情緒過山車」,子羚亦喜感大爆發,尤其遭小鳳(王子涵飾)「老點」化超醜妝出巡一幕,更是超瘋狂。由於玲瓏不知道妝容出事,每當遇到有男子經過即大拋媚眼;自以為靚爆鏡的狀態配以超醜妝容,相當爆笑;此事更成為宋世傑日後反擊楊鳴的重要供詞。雖然子羚在劇中一再「自毁」靚樣,黐完鬚再化醜妝,但仍無損網民對其喜愛,除了大讚依然靚女,亦大讚子羚是「驚喜不斷的女演員」,並指子羚是「被鬍鬚耽誤的美人」。

談到玲瓏角色多變化,子羚坦言很Enjoy:「玲瓏呢個角色確實好多面,有時要扮男人、有時要好麻甩、又要化醜妝、有時好惡死、有時又好嗲,亦有正經傷感戲要處理,仲有打戲,我自己都開心可以有咁多唔同面貌,成日都會下一秒唔同樣,表情或者情緒上落要好大,我覺得都幾正,可以喺一套劇入面演繹咁多唔同嘅變化。同埋最開心係可以俾我好豁出去咁做,無論係喊戲或搞笑戲,全部我都可以好放去做。」談到有網民將她飾演的玲瓏與郭藹明比較,子羚坦言事前準備時有看過郭藹明及梅艷芳飾演的玲瓏,只是最後決定跟劇本演:「因為劇本都寫好咗故事同人設,我主要係跟故事走,同埋現場同導演子聰商量,佢哋有個共通點,就係都係好率直同簡單嘅人,佢只有一樣嘢,就係好愛宋世傑,佢嘅出現就係要保護宋世傑,我主要都係攞住呢個點去演自己喜歡嘅玲瓏。」

子羚昨晚另一幕與王浩信及林子聰齊齊食花生的一幕亦相當爆笑,三人全程更是默契十足。身兼三職(總導演、編審及演員)的林子聰,獲眼利網民發現在劇中清減不少,招牌圓面失蹤,不過子聰則透露並非刻意減肥,只是「忙到瘦」:「首先要度劇本、寫劇本同臨場改劇本,要同演員排戲,如果自己有份埋位就要即刻化妝同換衫埋位,一邊拍一邊要睇playback睇吓得唔得。拍完夜晚就算返到屋企都未必瞓到覺,要諗第二日拍嘅嘢或者再之後嘅安排係點,真係周身都唔得閒。」

星級企業大獎2020 姜濤 陳卓賢
人氣 TRENDING
王力宏 梅艷芳 李靚蕾 姜濤 MIRROR ERROR 張家朗 香港小姐 聲夢傳奇 炎明熹