Advertisement

父子情|鄭裕玲細佬拍完戲即飛外國留學 鄭裕德40年後與「媽咪」朱虹首同框

本地
2024.07.11
撰文:花高
朱虹與Peter這40年來都沒再拍戲。
朱虹與Peter這40年來都沒再拍戲。

「影以載道——銀都作品回顧」日前於舉行開幕典禮,並邀請了是次開幕電影《父子情》(1981)中飾演母親的朱虹,以及飾演兒子的Peter鄭裕德(即鄭裕柯),亦即Do姐鄭裕玲胞弟,親臨大劇院和大家見面。兩位主角均是久未露面,朱虹姐在拍畢該後便沒有再接拍任何電影;Peter更在完成拍攝後遠赴外國讀書,再也沒有繼續參與電影工作,所以他倆的出現非常難能可貴。

兩母子在台上重聚。
兩母子在台上重聚。

會上兩位演員分享當年拍攝感受,朱虹姐笑說:「我請咗Peter做我代言人,我連代言費都俾咗,所以佢要講埋我嗰份。」Peter緊接說:「媽咪叫到冇辦法啦,我感受都好深,因為呢套電影對我嚟講可以話係一個遺憾,點解咁講呢?因為係拍完電影之後,我就要離開香港去外國留學,始終冇機會係大銀幕睇呢套電影,依家過咗成40年,終於今晚適逢有咁嘅機會可以睇到,仲係4K修復版,所以覺得好特別,而且仲可以同廣大嘅朋友一齊共聚一堂,我感受好有意義。」

朱虹姐都有分享拍攝點滴。
朱虹姐都有分享拍攝點滴。

至於拍攝點滴,Peter說:「好似呢排天氣咁,嗰陣時都經過咁嘅天氣,都係好熱好辛苦,呢個係其中一種經歷,拍完電影之後覺得好滿足,覺得完成咗一件事,對我人生嚟講都係一個好特別嘅過程,呢件事我會Keep In Memory。」朱虹姐憶述:「最難忘的事是導演方育平沒有太多劇本,很多時也是即場才想出來,但又沒有對白,只是叫我們自己講,方育平便接着拍,而我們的習慣是熟讀了劇本才拍攝。」

聲夢傳奇 MIRROR 陳卓賢
人氣 TRENDING
王力宏 梅艷芳 李靚蕾 姜濤 MIRROR ERROR 張家朗 香港小姐 聲夢傳奇 炎明熹