Advertisement

炎明熹拍外景超時向粉絲致歉 認唔識講嘢自嘲「有限公司」

本地
2024.01.25
撰文:孜卓芹
Gigi同李爾晨劇中有唔少對手戲。
Gigi同李爾晨劇中有唔少對手戲。

無綫全新音樂劇《戀上西沙》近日密鑼緊鼓進行拍攝,日前主要演員炎明熹(Gigi)日前與李爾晨、麥玲玲、海俊傑、張美妮及林子超齊集西貢打卡熱點「天空之鏡」,為無綫音樂劇《戀上西沙》拍攝。身為女主角的Gigi,分別以民族少女風及牛仔型格裝束造型現身拍攝。

呢個牛仔風好爽朗,都好適合Gigi。
呢個牛仔風好爽朗,都好適合Gigi。

拍攝當日氣溫雖然不算太低,但由於keep住陰天及落毛毛細雨,加上頗為大風,故Gigi休息期間都有披上超厚「熊啤啤」長外套保暖。天公不造美還影響了劇組拍攝進度,單是上午拍攝行程已超時足足兩小時。眼見現場等候自己現身的「Gi炎粉」冒着寒風等了又等,Gigi大感不好意思,完成手頭上拍攝工作後,即馬上拿着大聲公向現場所有粉絲問好,結尾一句更爆笑謂:「我都唔知講咩好,我說話係有限公司。」

粉絲們等得咁辛苦,梗係要拍照留念啦。
粉絲們等得咁辛苦,梗係要拍照留念啦。

於接受無綫娛樂新聞台訪問時一再向身後粉絲連環致歉,「其實我一嚟到(開工)已經有部分粉絲到咗,我就知道弊傢伙,希望自己可以盡快拍完,但拍劇冇可能咁快完,所以真係好多謝大家喺度等。同埋今日有啲毛毛雨同陰天,所以都比較麻煩啲。佢哋足足喺度等咗兩個鐘頭,所以真係非常之唔好意思。」更邊說邊忍不住耍出「道歉兩式」。

口直心快的Gigi又指很感恩最近多了很多與粉絲見面機會,並搞笑「自責」因不擅於說話待慢了粉絲:「其實我一直都好想講多謝大家,但因為我說話有限公司,最近都見咗大家好多次面,我好似講嘅嘢都講晒咁,已經諗唔出要再講啲咩,再咇又好似有啲造作,但可以同佢哋長時間見面,我自己真係非常之開心嘅,真係好辛苦晒大家,經常支持我。」與Gigi一樣貼心的Gi炎粉,除了專誠到拍攝現場為Gigi打氣,亦為劇組送上熱湯應援。

(左起)林子超、麥玲玲、海俊傑、張美妮、炎明熹。
(左起)林子超、麥玲玲、海俊傑、張美妮、炎明熹。
陳卓賢 聲夢傳奇 MIRROR
人氣 TRENDING
王力宏 梅艷芳 李靚蕾 姜濤 MIRROR ERROR 張家朗 香港小姐 聲夢傳奇 炎明熹