Advertisement

炎明熹公開擇偶條件 唔要靚仔最緊要性格好

本地
2024.01.08
撰文:卡林攝影:Andy
whatsapp-image-2024-01-08-at-2-06-21-pm
Gigi表示與李爾晨在劇中有段曖昧關係。

炎明熹(Gigi)、李爾晨、海俊傑、林子超和張美妮,今日(8日)出席音樂劇《戀上西沙》開鏡拜神。Gigi表示與李爾晨在劇中有段曖昧關係,至於兩人最終能否走在一起或只做朋友,她就大賣關子。Gigi說:「有少少浪漫,我未試過,所以都有啲緊張,會掂下手仔,劇情講我追逐夢想同時尋找往事,靠男主角(李爾晨)重拾自信。咀嘴梗係冇,每個人戀愛都唔一樣,過平淡日子都可以好開心,不一定要大起大跌同製造驚喜,感受到愛對方嘅心意便足夠,不過依家冇追求者,等天賜良緣。」

問到Gigi是否已準備拍拖?她坦言隨遇而安:「我一直等機會天降一個命中注定嘅人。」她又指自己非主動型,遇到心儀對象亦不會主動出擊,都擔心錯過機會:「有人主動追求,都會觀察對方一段時間,先進行一段關係,我相信時間證明一切,亦會先俾家人過目。」

whatsapp-image-2024-01-08-at-2-06-17-pm

至於擇偶條件?Gigi表示任何類型男生也沒有所謂,不一定要靚仔和高過她,最重要是性格好,有魅力吸引到她,也不需要唱歌好聽,她說:「有人覺得彈結他唱歌好浪漫,我以前會咁覺得,但依家唔需要。」

姜濤 聲夢傳奇 MIRROR
人氣 TRENDING
王力宏 梅艷芳 李靚蕾 姜濤 MIRROR ERROR 張家朗 香港小姐 聲夢傳奇 炎明熹