溫碧霞（Irene）早前飛到法國出席康城影展，宣傳其主演的電影《謊島美人魚》。完成一連串工作後，Irene逗留在當地到處遊覽、購物和品嚐美食，並專程到各景點、海邊和餐廳打卡影靚相，露出白滑香肩和美腿。Irene更在法國店舖驚喜遇見《謊島美人魚》的電影海報，第一時間上前合照留念。
Irene這次法國之行除了認識鄭保瑞導演，更結識了多位國際製作人，令她開心不已，她表示：「我好欣賞鄭保瑞導演，睇咗佢嘅電影《智齒》、《命案》、《九龍城寨之圍城》。佢拍得好好，好希望有機會同佢合作。今次我都識咗幾個荷李活、泰國同外國製作人，佢哋啱啱籌備緊一套動作電影，有個角色想搵我演出，呢部戲係荷李活同泰國合作，不過係初步傾，依家睇緊劇本。」
在當地的最後一日，Irene爭取時間瘋狂shopping，她興奮表示：「法國啲嘢真係好靚，我一向好鍾意佢哋本地設計師，買咗好多靚衫，好開心。」遊玩至昨日才回港。