Advertisement

港姐2023|郭珮文莊子璇愈見淡定得體 王敏慈睇返一個月前自己頭都大埋

本地
2023.08.16
撰文:孜卓芹
郭珮文比一個月更有大將之風。
郭珮文比一個月更有大將之風。

2023香港小姐競選》將於下周日(27日)晚進行決賽,為了讓16位佳麗親眼見證及回顧參賽以後的變化,無綫製作了一系列名為《給一個月後的我》的官方宣傳片,還能給大家了解眾人心路歷程的變化。

01

16位佳麗之中,以8號姜依宁(Jenny)及3號鄧凱文(Eris)較為感性,在越南外景已被揭爆喊的Jenny,原來早於6月尾受訪時已哭成淚人,當時她一邊落淚、一邊哽咽:「呢個係我人生中第一次面對咁多鏡頭,真係……」回看一個月前拍下的片段,Jenny再度淚盈於睫,現在面對鏡頭已明顯較之前進步不少的她,坦言會「繼續堅持」。至於6月尾受訪時不知所云的Eris,看到一個月前傻氣地為將來的自己打氣時,數度感觸拭淚:「好多謝一個月前嘅自己,依家可以同番一個月前嘅自己講,我做到喇。」

之前在越南外景受訪時坦言自己有社恐的16號郭珮文(Juliana),6月尾受訪時明顯相對驚青,全程忍笑之餘、表現亦相對尷尬。經過一個月的磨練,Juliana不但變得更大方得體,她更淡定表示連社恐亦似乎有所改善:「我變得冇咁驚人,喺越南嗰度我要同好多陌生人講嘢,我發現自己原來係做到,同埋真係享受嘅。」與Juliana同為熱門的17號王敏慈(Lovelle),面對一個月前的自己,搞笑地做出「頭大」動作,並謂參賽後信心大增:「之前我好緊張,其實一路以嚟感受到好多支持,呢個係一個動力,我唔想讓支持我嘅人失望。」

王敏慈不想讓支持她的人失望。
王敏慈不想讓支持她的人失望。

另一熱門15號莊子璇(Hilary),明顯比之前表現更淡定,談到輸贏,她笑言:「我唔係好在意輸贏,做得好過噚日已經可以喇。」Hilary在越南之旅時曾自揭是宅女,想不到原來10號陳霈錤(Hera)亦同樣愛居家,她笑言:「我可以匿埋喺間房十個鐘,參賽後我覺得我個人開朗咗。」

莊子璇唔Mind輸贏只求進步。
莊子璇唔Mind輸贏只求進步。
MIRROR 聲夢傳奇 星級企業大獎2020
人氣 TRENDING
王力宏 梅艷芳 李靚蕾 姜濤 MIRROR ERROR 張家朗 香港小姐 聲夢傳奇 炎明熹