Advertisement

洪助昇靠睇《白雪公主》演奸角 拍劇鬥萬歲狂擦宵夜肥咗幾個碼

本地
2024.02.29
撰文:卡林
whatsapp-image-2024-02-29-at-4-31-21-pm-2
Aiden近日在劇集《飛黃騰達》首次飾演奸角。

洪助昇(Aiden)近日在劇集《飛黃騰達》首次飾演奸角,他飾演的角色,表面看似「好淆底、好傻」,但其實笑裏藏刀。首次出演奸角,Aiden表示一接到劇本便十分期待,「我恨咗演呢類色角好耐,因為我覺得做奸角有好多天馬行空嘅呈現方法都可以去試,玩嘅面向比較多,發揮空間好大,所以我明白點解好多演員都話想做奸角,因為的確係好過癮。」他續說︰「演之前,我發現咗呢個角色好似白雪公主入面後母嗰兩個女,即係好煩嗰啲,一係唔講嘢,一係就跟住尾嘅牆頭草,所以嗰陣我又特登再去睇返白雪公主,去睇吓呢兩個人物係點樣呈現嗰種牆頭草、嗰種好跟風嘅狀態。」

 

除了角色,Aiden直言知道劇中各出演的演員時已十分興奮,「因為當中有好多唔同屆嘅《造星》朋友,今次就好似幾屆嘅《造星》朋友混合埋一齊,再battle過。一知道嘅時候好開心,因為我同George(歐鎮灝)喺《造星2》大家係同一隊,依家過咗幾年,大家可以再一齊合作,感覺好神奇。」

 

Aiden又大爆拍攝期間,各演員「鬥萬歲」,「印象最深刻係呢套劇嘅演員都好擦得!所以大家鬥萬歲,雞煲、炸雞、葡撻、油渣麵,每日收工大家就去食嘢。」由於晚晚宵夜,Aiden身形逐漸暴脹,「唔知點解佢哋個個都食極唔識肥,唯獨我一個啲戲服一日比一日緊,身形一日比一日膨脹,去到後尾,自己漸漸地減少去食呢啲卡路里咁高嘅食物,但係成個過程大家都好開心,大家真係好擦得!」

聲夢傳奇 MIRROR 陳卓賢
人氣 TRENDING
王力宏 梅艷芳 李靚蕾 姜濤 MIRROR ERROR 張家朗 香港小姐 聲夢傳奇 炎明熹