Advertisement

洪助昇獲Fans搞韓式生日見面會 自認單身狗:唔知好嬲定好笑

本地
2024.02.08
撰文:卡林
whatsapp-image-2024-02-08-at-3-08-17-pm-6
Aiden今日(8日)生日,他的Fans為他舉行生日會,更特意將生日會變成「韓式見面會」。

洪助昇(Aiden)今日(8日)生日,日前他的Fans為他舉行生日會,更特意將生日會變成「韓式見面會」。Aiden坦言生日會當日比以往緊張,因為很多歌迷在生日會前表示會帶同男朋友前來,「佢哋話要俾我過吓目,唔知點解大家都當咗我係玄學大師,要我幫吓眼。當然如果佢哋兩個都支持我,我會好開心,令到佢哋情侶之間多一項活動,但另一方面又好驚佢哋當我係情敵會打我。」

 

Aiden表示不太清楚「韓式見面會」是什麼,只知要「坐定定」,他說:「後尾發現原來係佢哋會送一啲好可愛嘅飾物俾我,我要當場戴上。嗰日試咗好多唔同嘅造型,狐狸、公主、香港小姐,其實真係唔知點解會有公主同香港小姐呢兩個造型,最後變咗做BL劇男主角嘅斯文敗類造型,發現大家好鍾意我做斯文敗類。」

whatsapp-image-2024-02-08-at-3-08-17-pm

問到他最喜歡哪一個造型,他無奈說是「香港小姐」,Aiden說:「其實條斜帶似港姐咋,上面係寫生日快樂㗎。頭上面嗰個其實係王冠,我個人覺得似王子嘅,不過啲同事話似港姐,最緊要大家開心。」另外,玩猜猜畫畫時,其中一條題目是「單身狗」,不過Aiden一時想不起如何畫,於是惟有直接指着自己讓Fans們估答案,誰不知fans們很快便猜中,Aiden說:「都唔知好嬲定好笑。」

陳卓賢 聲夢傳奇 星級企業大獎2020
人氣 TRENDING
王力宏 梅艷芳 李靚蕾 姜濤 MIRROR ERROR 張家朗 香港小姐 聲夢傳奇 炎明熹