汪明荃接種第二針疫苗 「我已完成任務」

汪明荃（汪阿姐）上月中喺老公羅家英陪同下，接種第一針疫苗，汪阿姐表示打完第一針冇任何不適。噚日阿姐去接種第二針疫苗，事後喺IG分享打第二針過程，令更多人知道打針流程唔恐怖，鼓勵大家接種新冠疫苗。

汪阿姐除咗同大家分享自己打咗第二針之外，又簡述打針流程，指打針前，醫生會先量度血壓，再篤手指check血糖，然後打針。上次打針嘅時候，汪阿姐要捉實家英哥先敢打，今次佢進步咗，自己一個都可以好平靜咁打針。Liza姐透露自己打完針之後嘅活動係同家英哥食午餐。

汪阿姐打第一針要捉住家英哥小手：

最後Liza姐表示自己已經完成任務，呼籲大家都快啲去打針：「為人為己，你都應該咁做！」。唔少藝人都有喺汪阿姐靚相下面留言叫阿姐打完針休息多啲，亦有網民響應呼籲，留言表示自己已接種新冠疫苗。

+5

圖片來源：汪明荃＠Instagram、Facebook