Advertisement

樊亦敏認爆粗鬧造謠者 揭劉家輝近況清醒精靈

本地
2024.01.22
撰文:孜卓芹
樊亦敏作客伍仲衡與周國豐的直播節目。
樊亦敏作客伍仲衡與周國豐的直播節目。
【今日睇咗未?】阿嬌首場訴心聲爆喊 阿Sa完美生日計劃被破壞「真係俾你哋激死」|樊亦敏認爆粗鬧造謠者 揭劉家輝近況清醒精靈(22/01/2024)

《愛.回家之開心速遞》「三太」樊亦敏近日作客伍仲衡與周國豐的直播節目,當中被問及年前幫因中風引致半身不遂的劉家輝,被質疑跟劉師傅的關係,又被轟貪錢。

樊亦敏在《愛.回家之開心速遞》演三太大受歡迎木
樊亦敏在《愛.回家之開心速遞》演三太大受歡迎。

樊亦敏重申與劉師傅沒任何關係,直言相關傳聞若令她卻步不再伸緩手,對她沒有任何影響,但劉師傅就會受影響。她直指當時跟很多「所謂」是劉師傅的朋友對話,問他們會否願意接手幫忙,但遭拒絕。

樊亦敏曾因幫劉家輝引起不少傳聞。
樊亦敏曾因幫劉家輝引起不少傳聞。

樊亦敏說:「佢話住院舍使乜咁貴?我問佢哋乜嘢叫做貴?當一個就嚟死,啲錢係佢賺,總之俾得到,更貴都要救返佢條命。師傅曾住私家醫院,醫藥費80幾萬先出得院,但啲錢係佢賺,我問返佢覺得條命係值幾錢?依家我係咪問你借?係咪你俾錢?唔係你講咩啫!」

樊亦敏在節目中暢談往事。
樊亦敏在節目中暢談往事。

直認寸爆的樊亦敏續謂最嬲是每次臨近新年就傳師傅死訊,她為此曾身在鬧市鬧人。伍仲衡問她有否爆粗?她坦言試過一次,對方也呆了,之後對方也不敢在她面前再提。她直斥對方黑心,過年過節傳這些事有什麼意思?平日有需要幫忙,這些人又不見走出來,是否見她一個女人仔好欺負。

樊亦敏跟伍仲衡有爆粗鬧人。
樊亦敏跟伍仲衡直認有爆粗鬧人。

樊亦敏表示不敢說幫劉師傅,其實不是她一個人能進行,包括很多律師、醫生等,很多重手續層層去過關。「包括TVB都有去幫師傅,做好多嘢令佢攞返佢應該有嘅嘢,令到佢暫時依佢自己想嘅方法去生活,我只係搭口叫人幫忙。」她透露師傅近況良好,大家不用擔心,好清醒精靈,最近都有去探他,大家可以放心。

amyfan3796_412883271_18238533241221234_5966699599623828014_n

MIRROR 姜濤 聲夢傳奇
人氣 TRENDING
王力宏 梅艷芳 李靚蕾 姜濤 MIRROR ERROR 張家朗 香港小姐 聲夢傳奇 炎明熹