Advertisement

樊亦敏健康問題致感情失意 為劉家輝追討百萬財產不敢居功

本地
2024.06.09

amyfan3796_412883271_18238533241221234_5966699599623828014_n

現年53歲,91年參選港姐奪「最上鏡小姐」入行的樊亦敏,近年憑處境劇「三太」一角入屋,更首奪「最受歡迎電視女角色」。最近,她接拍喜劇《神耆小子》夥拍影帝鄭則仕演女主角「洪玫瑰」。樊亦敏接受雷霆881商業一台《星光背後》專訪,憶述選港姐入行後,如何面對患上免疫系統病,導致甩髮及嚴重過敏的長期困擾。原來,健康問題除了影響她的事業,更導致多段感情無法開花結果。

樊亦敏接受梁泰來主持的《星光背後》訪問
樊亦敏接受梁泰來主持的《星光背後》訪問

樊亦敏20歲選港姐前,約16歲已拍下經典檸檬茶廣告,後來赴日本留學於暑假期間參選港姐,她坦言沒想過入行做明星,只是應母親的要求參選,「因為我細個自閉,唔識同人講野,阿媽思想比較前衛,想我學習同人相處。」對於賽前獲封大熱,最終只摘「最上鏡小姐」,三甲不入敗給郭藹明、周嘉玲及蔡少芬,她說:「攞到最上鏡之前我諗過係冠軍㗎!入到三甲當然好,入唔到都冇辦法,當年參選港姐令我眼界大開,又可以跟郭富城、黎明去瑞士拍外景。」

對於外間指參選港姐會有不少富商追求,樊亦敏當選後亦曾被指與已故羅姓富商交往,她回應:「參選港姐會接觸較多廣告商,而呢啲廣告商,大多係經濟地位比較好,因為我未婚,啲人見到我成日同呢啲人食飯,就會有緋聞嫌疑,都唔可以怪人。但你話富商,坦白講,我識好多人經濟能力都唔錯,但都係朋友,你見我到而家都好努力工作!」

從TVB到內地發展,樊亦敏先後傳過同吳京及何寶生拍拖,她直認過往戀情包括圈中人,「我的確有同圈中人拍過拖,都係正常男女互有愛意,都會正常計劃是否組織家庭。」原來樊亦敏這些圈中戀情,最終無緣開花結果,與她自身健康問題亦不無關係,「先唔好講對方係邊個或者嚟自邊個圈,兩個人一齊係一門學問,再加上我識到嘅另一半都好奇怪,都有共通點,唔係家中獨子,就係屋企長子。響我果代,社會風氣認為佢哋要負責傳宗接代。但由於我身體唔好,生小朋友會有問題,甚至係非常之難做到,亦因我身體狀況難生小朋友,俾唔到對方想要嘅嘢,我會諗,佢係咪會有其他選擇呢。始終結婚唔止兩個人,係兩個家族嘅事。」

談及對戀愛的體悟,現時單身的樊亦敏表示十分隨緣,比起感情關係,她直言更重視自己對社會的貢獻,「唔覺得冇伴侶係遺憾,反而可惜自己冇足夠時間同資源為社會做多啲嘢。」事實上,她的俠義事蹟亦導致過不少緋聞,事緣早年樊亦敏仗義為意外中風癱瘓的劉家輝追討逾百萬財產,事件曝光後,亦曾被外間揣測二人關係,對此樊亦敏說:「最初啲人以為我一定同師傅有啲嘢,你先會走去幫佢,好難怪人,有啲人真係會咁諗嘢。而家事實證明,我唔一定係師傅邊個先會幫佢,成為呢件事嘅焦點係意外,純粹有一大班朋友幫手,當中有律師、醫生,只有我一個係圈中人,就變成焦點,成件事我唔敢居功。」

樊亦敏幫中風癱瘓的劉家輝追討被騙的錢財
樊亦敏幫中風癱瘓的劉家輝追討被騙的錢財
聲夢傳奇 姜濤 星級企業大獎2020
人氣 TRENDING
王力宏 梅艷芳 李靚蕾 姜濤 MIRROR ERROR 張家朗 香港小姐 聲夢傳奇 炎明熹