Advertisement

楊茜堯拒經常夫妻檔拍劇 冇份拍《家族榮耀2》問點解

本地
2023.10.18
攝影:Bradie
楊茜堯太耐沒出席公開活動,竟然緊張到失眠。
楊茜堯太耐沒出席公開活動,竟然緊張到失眠。

楊茜堯今天(18日)獲邀出席健康食品活動,為照顧子女加上疫情,已3、4年沒有出席公開活動,她覺得很珍貴,緊張得前一晚睡不着。問到這期間金錢上損失?楊茜堯豁達說:「唔好計呢啲!應該計得到幾多,而唔係失去幾多,覺得最緊要係平安,兩個小朋友令我得到很多開心。」不過她坦言湊仔也很累,辛苦過拍劇。

其實婚後的她只曾與老公羅子溢,以夫妻檔拍過無綫劇《家族榮耀》,她表示有傾再拍劇,如適合會再拍。對於《家族榮耀之繼承者》沒她份,她說:「係囉!點解呢?唔可以話被頂替,每套電視劇故事需求都不同,其實續集故事架構全部唔同,演員都洗晒牌。」

楊茜堯總覺得兩公婆合作好奇怪。
楊茜堯總覺得兩公婆合作好奇怪。

楊茜堯指和老公大把機會再合作,但總覺得兩公婆合作好奇怪。她說:「觀眾未必好鍾意睇,相信陳豪和陳茵媺都係一套起、兩套止,覺得美好嘅嘢要讓觀眾睇到,但唔可以多,有吸引角色當然繼續去做,和老公合作都幾開心,但可能拗撬又會多,如敵對都幾大鑊。」

早前兩公婆飛甩仔女撐枱腳慶祝結婚7周年,楊茜堯亦在社交平台分享對「七年之癢」的甜蜜對話。問楊茜堯可有七年之癢?她笑道:「我連𢯎痕都冇時間,對仔女成日都話要𢯎痕,老公就話唔痕囉!」

楊茜堯歡迎大家繼續叫她楊怡。
楊茜堯歡迎大家繼續叫她楊怡。
陳卓賢 星級企業大獎2020 聲夢傳奇
人氣 TRENDING
王力宏 梅艷芳 李靚蕾 姜濤 MIRROR ERROR 張家朗 香港小姐 聲夢傳奇 炎明熹