楊明於2020年8月駕車經過半山馬己仙峽道時發生交通意外，被控「不小心駕駛」及「車窗玻璃透光度不足」兩罪，去年12月被判即時入獄18日、停牌兩年及自費接受駕駛改進課程、罰款2000元，並被送往荔枝角收押所，服刑第8日轉往赤柱監獄。
楊明原本於明日（8日）刑滿出獄，卻因為公眾假期而提前今日離開赤柱監獄。今早7時30分，有多間傳媒早已守候監獄門外，現場有警員表示楊明屆時會向傳媒簡短講幾句。直至接近9時30分，楊明離開監獄，與經理人傾談幾句後，便步向傳媒，但只說了句「早晨」，沒有停步接受訪問，對記者的提問亦沒有回應。他之後與經理人登上女友莊思明的七人車離開，直駛將軍澳電視城。
楊明返回電視城，原來是為了準備錄影短片，向公眾道歉，他在片中為自己的過錯，兩度鞠躬致歉，希望得到大家的原諒，他說：「對於我飲酒嘅習慣為大家同公司帶來好多麻煩同擔憂，我深感抱歉，我喺度向大家，同一直關心我嘅家人、朋友同埋公司，喺度好認真咁，同大家講聲對唔住。我好明白，我做出嚟嘅行為，係完全唔可以接受，受到今次嘅懲罰係必然嘅。喺裏面呢十幾日，我不停咁反省，我知道遵守法紀，遵守道路交通規則係非常之重要，我每日喺裏面都提醒自己，之後一定要謹慎做人、認真工作，做返多啲嘢回饋社會，我唔會再容許自己再做出同類嘅事情。呢件事的確係我人生中一個好大嘅教訓，希望大家日後俾多啲空間、俾多啲時間，同埋俾多啲機會我，等我可以重新出發。最後，希望大家再次接受我嘅道歉，對唔住。」
圖片提供：明報、TVB娛樂新聞台@facebook