楊卓娜前日（10日）迎來45歲生日，邀來黎諾懿夫婦、高海寧、張達倫、李霖恩一家四口、朱滙林、羅天池等老友到家中慶祝，又特地買食材煮逾十多道菜招待，她說：「多謝一班英俊瀟灑嘅兄弟，同埋美麗動人的姊妹前來幫我慶祝生日，好『滾動』！雖然生日要親自落廚，但係真係好開心，煮咗十幾個菜，好彩食得晒。」
楊卓娜又分享慶生飯局照片，表示要大力表揚兩位男神，「第一位係我身邊呢位招積嘅楊先生，佢終於學懂什麼是送花，如何送一紮能夠討我歡心的花。恭喜佢終於擺脫咗送紅玫瑰嘅魔咒。」她捧着一束老公楊志翹及女兒送的玫瑰，又與老公合照，露出冧爆表情。另外，她感謝另一位男神黎諾懿送上音樂盒作生日禮物，「多謝佢送我靚靚音樂盒，佢話覺得好襯我屋企，有用心，所以要加佢分，感覺提早過聖誕啦。」
