Advertisement

楊千嬅美加巡唱 重遊當年註冊小教堂 「改變了整個人生」

本地
2023.12.07
撰文:孜卓芹
楊千嬅今次美加之行,同老公帶埋媽咪出遊。
楊千嬅今次美加之行,同老公帶埋媽咪出遊。

楊千嬅剛完成《MY TREE OF LIVE世界巡迴演唱會》多倫多、康州、拉斯維加斯和馬里蘭州四個地方演出,今日又宣布明年2月14至15日於澳門繼續開騷,年初五開第一場,千嬅自言未試過農曆年做騷,「更是情人節,都幾開心,到時會帶同家人到澳門睇騷兼一齊玩。」

whatsapp-image-2023-12-07-at-16-04-35-6

至於美加之行,千嬅表示今次是2019年後相隔4年再到美國演出,非常開心很多朋友開幾個鐘車來看她開騷,觀眾的反應熱烈,令她感到很溫暖。「每一場演出都似大型KTV咁,首首歌都大合唱,真係好勁呀班觀眾,好多謝佢哋咁支持。」

千嬅多謝歌迷多年來支持。
千嬅多謝歌迷到來支持。

此行千嬅帶同媽咪一起出發,工作之餘,盡孝道帶媽咪去食好嘢、又同老公丁子高重遊當年於拉斯維加斯先斬後奏註冊結婚的小教堂,「因為當年註冊,媽咪冇喺現場,我咪講返當時情況,同啲小故事俾佢聽,佢都聽得好開心。」

whatsapp-image-2023-12-07-at-16-04-35-9

回想當年同丁子高去旅行期間,突然註冊結婚,那一刻的「勇」,千嬅謂真的改變了自己整個人生:「依家諗返,由一個人變兩個人,再變三個人,人生其實好多嘢,個天都安排好,跟住命運帶俾你嘅流水向前行,你就神奇地行咗個人生出來㗎啦!第日放假,我諗住再帶囝囝嚟,再同佢講當年Daddy、媽咪故事。」

 

雖然老公繼續做管家,管住千嬅的飲食,但她也吃了這一年最多的澱粉質,回來就要還:「因為之後過年喺澳門開騷,過年你知咁多好嘢食,依家減定,留多啲quota過年嗰陣用,同埋都要保養下把聲,唱咗17場,明年巡迴繼續,要保持一個好體能。」

食完就要還。
食完就要還。
聲夢傳奇 星級企業大獎2020 陳卓賢
人氣 TRENDING
王力宏 梅艷芳 李靚蕾 姜濤 MIRROR ERROR 張家朗 香港小姐 聲夢傳奇 炎明熹