12月30日為已故天后梅艷芳逝世20周年，好友劉培基與康文署於沙田文化博物館合辦《絕代芳華·梅艷芳》展覽，共展出70組有關梅艷芳的展品如唱片封套、舞台服飾、電影海報和劇照，以及明星卡和電視雜誌等流行文化產物等。而劉培基捐出20組遺物，包括早年捐贈的八套梅艷芳在不同時期穿着的舞台服飾，以及近年捐出的奬座和親筆簽名黑膠唱片。展覽今午（23日）舉行開幕儀式，並邀得古天樂、曾華倩、呂方夫婦及李龍基等擔任嘉賓。
劉培基致謝辭時感性表示：「多謝古天樂，佢係世界級有義氣嘅，曾華倩係阿梅嘅閨密，呂方嚟到見證師姐展覽會，我好高興、錫晒你。香港係人潔地靈兼藏龍臥虎嘅地方，有李小龍創立截拳道同中國功夫，顧家煇用音樂代替語言，而梅艷芳係香港的女兒，佢獨一無二嘅個人舞台風格，百變梅艷芳震動整個八十年代，佢演嘅電影角色無可替代，且深入民間，公益慈善佢又係不遺餘力嘅人。呢啲名人令人心存懷念、佢哋心存大愛，我寄語年輕人堅持香港精神。 」
劉培基表示除早已捐出的20組阿梅遺物外，今次展覽再捐出兩個大獎，當中包括金像獎的「演藝光輝永恆大獎」及東京音節相關獎座，他稱獎座保存多年，一直捨不得捐出；他又指阿梅逝世20年勾起不少往事，稱自己年紀漸長少不免感慨，回想起當年心也會痛。他直言，全香港只有他最了解阿梅，「關於佢嘅嘢，可以講嘅我講咗，唔可以講嘅我會帶走，我同佢血濃於水。」他坦言跟阿梅沒有遺憾，自己不相信有輪迴，如果真的存在，他希望兩人不要再見，不要再做好朋友，因為此世實在太完美。
