電影《梅艷芳》上映已近兩星期，票房走勢凌厲，累積票房衝破4000萬。電影重現了傳奇歌手梅艷芳一生，當中由王丹妮演繹梅姐，廖子妤飾演梅艷芳家姊梅愛芳，戲中姊妹之間的手足情真摯動人。
現實中梅愛芳於2000年病逝，梅姐曾答應胞姊照顧一對當年分別7歲及5歲的姨甥仔潘文皓及潘進皓，可惜當年梅愛芳丈夫潘立德在喪妻後，便帶同兩子離開傷心地，梅姐自始與姨甥仔失去聯繫，她尋親數載不果，直至臨終仍無法圓這最大的遺願。
梅姐離世已經超過17年，失聯多年的姨甥潘文皓終於現身，現年已28歲的文皓，現時身處加拿大，他在社交網表示已看過兩次《梅艷芳》：「我已經數不清我流咗幾多次眼淚。我睇完之後我嘅情緒也不能夠好輕易咁平伏落嚟。在戲裏面。Ann講咗一句『我不知道能不能看着他們長大。』媽咪，雖然你唔可以喺呢度睇住我同細佬長大，但係我知道你係天上一直有看顧住我哋。正正因為係咁我知道我唔可以令你失望令你擔心。我會好似你咁有着積極樂觀嘅態度面對困難和挫折。」
文皓又指會秉承梅姐的精神，「姨姨，你將你嘅生命奉獻咗俾舞台俾音樂同埋你啲歌迷。無論你喺邊度都好，我都希望你可以感覺到滿滿的幸福，因為到今時今日仍然有好多人愛着你懷念着你。你講過『只要有信心，沒難事。』我亦會好似你咁抱着一份不願輕易放棄嘅精神生活下去。我看到還有那麼多人在支持着你想念着你我真的真的很感動。希望大家可以跟我一樣，繼續把她們放在心裏，同埋捉緊着她們對生活積極樂觀永不放棄嘅態度，憑着信心咁去過生活。媽咪、姨姨，我永遠以你們為榮。」
