Advertisement

梁諾妍懷胎38周曬fit爆孕照 唔肥唔腫但陀得辛苦過第一胎

本地
2024.03.20
梁諾妍慳水慳力在家拍孕肚照。
梁諾妍慳水慳力在家拍孕肚照。
【今日睇咗未?】大S爆料汪小菲多次婚內出軌 十年慘烈婚姻「二死一重傷」|梁諾妍懷胎38周曬fit爆孕照 唔肥唔腫但陀得辛苦過第一胎(19/03/2024)

洪永城老婆梁諾妍(Inez)懷有第二胎Sirface 2.0,預產期為下個月,分娩在即的她昨天(19日)在社交平台分享在家中拍攝的性感孕照,分享懷孕時長胎不長肉的心得,又透露今次懷孕比上次辛苦。

二人2021年結婚後,同年誕下女兒洪靖嵐(Sirface),Inez表示今次因沒時間特別外出拍攝孕照,但又難得有點兒想法,就同導演快速地買了個日落燈及bra top,在家花了一小時跟Sirface 2.0留倩影。

被讚長胎不長肉。
被讚長胎不長肉。

snapinsta-app_433847153_18419923204060860_5542064646640130004_n_1080

彩蛋
彩蛋

Inez續謂:「佗2.0最多人同我講嘅係『嘩點解你一啲都唔腫唔肥,第一胎都明顯肉好多,你就好啦佗(陀)得咁輕鬆』,其實,佗(陀)BB都唔係大家想像咁輕鬆㗎!今胎的確比第一胎輕,現38周都係重咗差唔多22磅,比生Sirface時重量係30磅都差好幾磅,但係2.0長胎比家姐好~出世都會比家姐重。不過今胎比第一胎都辛苦幾多,成個孕期中咗3次流感、新年後再中埋covid(冇咩藥可以食,只可以自然療法),呢2日仲要腸胃炎係咁屙到脫水發燒。而今胎胎盤高啲,就成日頂住個胃,搞到食多少少就想嘔。

看似佗得輕鬆其實仍辛苦。
看似佗得輕鬆其實仍辛苦。

「但係撇除呢啲,當然我飲食習慣同第一胎係有分別嘅。今胎係行168+高蛋白質少碳水+適量運動!(所以今次真係長胎不長媽媽肉~)雖然成日都好想飲珍珠奶茶,但係我嘅珍奶都會嗌無糖/微糖,純粹過吓口癮。講咗咁耐,都係想讚美一吓所有媽媽。媽媽真係好偉大,十月懷胎嘅辛苦感受到晒,不過所有嘢都係值得的,寶寶健康就係父母最想見到嘅。除咗要錫自己媽媽多啲,所有老公一定一定要再錫老婆多啲呀!媽媽加油,我哋繼續互相扶持﹗」


而洪永城也大讚老婆一啲都唔似孕婦,早前仲陪老婆去澳門遊逛,在帖文寫上「都就嚟生,但係點樣你都唔似有小朋友?你是否騙我最漂亮的懷孕媽媽,最喜歡夜晚飲珍珠奶茶的媽媽。」

洪永城大讚老婆是最美的媽媽。
洪永城大讚老婆是最美的媽媽。
姜濤 星級企業大獎2020 MIRROR
人氣 TRENDING
王力宏 梅艷芳 李靚蕾 姜濤 MIRROR ERROR 張家朗 香港小姐 聲夢傳奇 炎明熹