擁有176身高的梁詠琪（Gigi）和擁有148身高鄧麗英（麗英），日前上了音樂節目《Music Panda》，齊齊Jam歌，分別唱了《高妹正傳》、《矮妹正傳》，以及Gigi的一些經典舊歌，唔好睇少這對一高一矮組合，其實兩位唱起歌上嚟相當合拍，不少網民看見Gigi和麗英的「最萌身高差」，更大讚好正！
今天（27日）麗英在IG上載了與Gigi相擁的照片，搞笑表示Gigi 8歲囡囡（Sofia）跟她一樣高，她寫上：「其實《矮妹正傳》真係參考《高妹正傳》嚟改㗎，多謝Music Panda合併咗個新版，我真係好好好好鍾意高矮大對決，竟然安慰咗我米4嘅軀殼，I love Gigi好鍾意佢唱歌同演戲！終於同到佢合作感覺好神奇，到時去演唱會再聽！Btw Gigi話佢個8歲女同我一樣高，哭咗！」
Gigi亦有於IG貼相，表示很開心參加了一個有質素的音樂節目，可以與作曲人黃丹儀、鼓手李健宏（KB）再次合作，她留言：「麗英真係好可愛，音色好特別，希望你哋喜歡高妹正傳和矮妹正傳，樂壇需要不同聲音不同曲風，麗英是清新的新一代，好開心可以有不同的風格合作機會。」
相片來源：鄧麗英@Instagram