柳應廷（Jer）與張天賦（MC）昨日（25日）出席記者會，公布將於8月30日舉行《Katch Our Life Jer柳應廷 x MC張天賦音樂會》。Jer與MC同是《全民造星》出身，Jer過去更曾在《造星》的舞台上，為MC所屬的B4組獻聲合唱，之後便是擔任MC演唱會的演出嘉賓，所以一聽到有這次合作，Jer已經很興奮，「第一次聽到呢個合作係好興奮，因為MC嘅歌係喺我嘅Playlist裡面，一直都好期待如果可以一齊喺台上面唱一啲Rock啲嘅歌會係點，一直都幻想呢個畫面，今次有呢個機會，我哋可以天馬行空玩咩歌都得。」
MC亦表示十分期待，更主動提出提早構思Rundown，「一知道有呢個Show已經即刻問Jer今次個Show可唔可以爆啲，或者提早開會傾下有乜嘢環節，其實我哋玩《全民造星》時都有自彈自唱嘅，如果有Part可以有兩支結他一齊玩，就正了！」除了Jam歌，二人當被問到會否演繹跳唱作品，MC笑言：「都會係一個衝擊，如果時間容許，我唔介意㗎，有呢一Part都好睇，我哋都出名跳唱勁。」Jer也和應道：「信心方面係有嘅！」
而《KATCH OUR LIFE》系列音樂會第二場有陳蕾與洪嘉豪，亦會加入一位男歌手組成鐵三角組合開騷。陳蕾大膽表示這位隱藏人物顏值非常高，但她對Kaho笑言：「不過今日（昨日）好多你啲人喺度，所以我要話佢爭你啲啲，但都係零死角。」Kaho聽罷亦和應道：「佢都係靚仔，我同佢喺電影上合作過，但佢頭腦比較慢少少，有啲天然呆。」
Kaho即透露：「我其實有聯絡佢，問過佢會唔會花少少時間一齊跳返Part舞。我有少少想迫佢一齊跳嘅，因為大家應該未見過，同埋我當初都係俾人迫跳舞。」至於陳蕾則期待三個人在台上的互動，她解釋道：「因為佢同Kaho講嘢一樣，好難接，但呢種難接又有佢嘅笑點，所以我比較期待同佢哋喺台上互動，唔知到時會傾咗啲咩出嚟。」
第三場將於2025年年初舉行的音樂會則有Dear Jane坐鎮，屆時他們會與一隊海外男子組合同台演出，Dear Jane大讚這隊海外組合廣東話講得不錯，又懂得跳舞，Tim此時搞笑道：「我估一定會有人問我哋會唔會想同佢哋一齊跳舞，但其實我哋跳得太勁喇！我反而期待大家將我哋兩個單位嘅歌都背到滾瓜爛熟，到時一齊大合唱，應該好好玩。」
第四場同樣於2025年年初舉行的壓軸音樂會，則由華納唱片旗下的歌手同台演出，當中包括Dear Jane、陳蕾、洪嘉豪、MC 張天賦、Gigi 張蔓姿、moon tang、Zpecial、Lewsz、Nancy 歸綽嶢，以及昨日未能現身記者會的Gareth.T、Kiri T及Byejack。記者會上，一眾師弟師妹首次同台參與大型演出，他們都各自以一個詞語形容此刻心情。
