Advertisement

柳應廷新作靈感源於添布頓 演瘋狂創造家走入怪異世界

本地
2024.03.14
撰文:卡林
whatsapp-image-2024-03-14-at-3-47-18-pm
Jer今次新歌《筆觸男孩憂鬱之死》,創作靈感來自導演添布頓。

柳應廷(Jer)推出新歌《筆觸男孩憂鬱之死》,唱出他在音樂創作路上的心聲。今次新歌的創作靈感來自導演添布頓,Jer道:「我好喜歡添布頓創造嘅世界,不論畫作還是電影,荒誕得嚟又帶有獨特嘅魅力,新歌就係由佢畫家同導演呢個角度去切入:無論你係乜嘢人,只要相信自己,堅持做自己覺得啱同開心嘅事,最終會建構到屬於自己嘅世界。」

 

Jer今次找來全新班底合作,包括作曲的T-Ma及填詞的鍾說,Jer道:「 T-Ma好快就諗到好得意,市面上又唔多見嘅旋律,至於鍾說,我哋傾歌詞內容時,都不其然講起尊尼特普(Johnny Depp)同添布頓,於是我哋就諗到不如用畫家角度,唱出我嘅想法。」

whatsapp-image-2024-03-14-at-3-47-18-pm-1

在MV方面,Jer以怪誕造型演出,他說:「我好鍾意電影《怪誕屍新娘》(Corpse Bride),所以MV其中一個黑白間西裝造型,靈感就係來自電影裏面嘅主角Jack,而我身上嘅玩具:恐龍、權仗、車、玩具珠寶等等,其實代表每個人內心嘅慾望。除此之外,我個妝就好似一個畫家喺我塊臉上面繪畫,畫咗唔同嘅彩繪。」Jer飾演的瘋狂角色,就是一位創造家,帶大家參觀他所創造的地下收藏室。Jer繼續介紹MV道:「其他角色嘅眼耳口鼻都畫喺唔同地方,呢啲都係我所創造嘅人物。喺收藏室裏面,每通過一度門,就好似帶聽眾逐步深入我嘅收藏世界。」添布頓被形容為怪誕導演,問到 Jer是否一個怪誕的人?他說:「我都係一個怪怪地嘅人,因為我鍾意玩,行為有時都有啲怪異,例如成日大叫、暴走,打牌自摸都會咁,我有時都控制唔到,玩起上嚟就會好癲,所以我唔驚『怪誕』呢個形容詞,亦唔覺得陌生,只要自己開心Enjoy就得,實行用自己魅力感染人哋。」

姜濤 星級企業大獎2020 陳卓賢
人氣 TRENDING
王力宏 梅艷芳 李靚蕾 姜濤 MIRROR ERROR 張家朗 香港小姐 聲夢傳奇 炎明熹