陳安立、林希靈於今日（24日）拉埋天窗，並在深灣舉行婚禮，筵開20圍招待親朋戚友，眾多圈中好友洪永城、肥仔@ERROR、黃劍文、強尼、娟姐等等都有出席，而許家傑、周志康、周志文、陳偉洪、羅天宇、蘇伊俊（籃球員）、黃凱怡、鄺潔楹、李雯希則擔任兄弟姊妹團。
一對新人隨後接受訪問，林希靈幸福滿面，說道：「其實我哋都有喊嘅，係幸福嘅眼淚！之前七師傅話叫我哋牀頭擺指定方位，咁有利造人啲，所以今晚我會婉拒啲聖誕派對，因為要試吓啲風水方位。婚後老公要開劇，所以我同姊妹去Honey moon補數。」
陳安立笑言婚禮將兩個電視台結合，婚宴則分兩隊大比拼：「諗住叫娟姐主持飲酒大賽，每個台派兩個人上嚟鬥快飲酒。我叫小肥上台唱《時光機》，佢初時都話大吉利市，我話我哋百無禁忌，飲住啤酒聽佢唱苦情歌，失戀感覺爆燈！」
