Advertisement

林子祥否認最後一次開演唱會  邀炎明熹曾比特做嘉賓有得諗

本地
2022.10.18
攝影:Samuel
Lam出席演唱會記者會。
Lam出席演唱會記者會。

林子祥(Lam)現身為延至12月26日Boxing Day舉行的《林子祥The Smiling開心演唱會》香港站宣傳,對有傳今次是Lam最後一次舉行演唱會,他聞言說:「我冇話過,只係今次巡迴最後一場,但幾時再開就唔知,要睇疫情進展,如再開騷都希望注入新元素,我乜都做過晒,連舞台劇都做埋,想諗啲新嘢,或者開網上演唱會、戶外騷,未必一定去紅館,我都由80年做到依家。」

Lam話冇講過要「封咪」。
Lam話冇講過要「封咪」。

問會否邀請《聲生不息》的2位後輩炎明熹及曾比特擔任演唱會嘉賓?他說:「如果佢哋喺香港,肯同我唱都有得諗。」至於太太葉蒨文(沙麗),則會在演唱會尾聲時段上台獻唱。

曾比特、炎明熹
曾比特、炎明熹

早前沙麗生日,自爆全家確診新冠病毒,Lam指沙麗是家中防疫意識最小心,卻首先「中招」,幸好他們都已打了疫苗。他說:「做完《聲生不息》仲有機會喺內地打多針,可能咁樣幫到我哋加快康復,我只係微燒,冇乜特別唔舒服,希望唔會令我連歌詞都唔記得啦!」

Lam之前全家中招,第一個竟是沙麗。
Lam之前全家中招,第一個竟是沙麗。

Lam亦剛慶祝完75歲生日,由於有很多朋友為他慶祝,食蛋糕都食到怕,故要求可不可以不吃蛋糕,朋友就以雪糕代替蛋糕。問到生日願望?他說:「希望世界和平,好似乜都亂晒籠,睇親啲新聞都唔係好開胃,好唔開心,希望唔好要再有爭執事情發生。」

 

姜濤 聲夢傳奇 MIRROR
人氣 TRENDING
王力宏 梅艷芳 李靚蕾 姜濤 MIRROR ERROR 張家朗 香港小姐 聲夢傳奇 炎明熹