Advertisement

林夏薇跑千級樓梯被取笑腳震 黃智賢埋位前愛唱歌似開籠雀

本地
2024.04.17
撰文:孜卓芹
林夏薇與陳展鵬拍這場戲要行上千級梯。
林夏薇與陳展鵬拍這場戲要行上千級梯。

正在熱播中的《逆天奇案2》,五位主角陳展鵬、林夏薇、張頴康、黃智賢及蔣祖曼日前互相「出賣」,互爆大家拍攝時搞笑一面。就展鵬與薇薇這一對能否破鏡重圓?其中一幕展鵬約薇薇見面希望表白想復合卻被拒絕,原來也們要步行超過1000級樓梯在一棵大樹旁拍攝,展鵬大爆薇薇當日都行到腳震震。薇薇解釋說:「當日仲係黑雨警告,大家都冒住俾雷劈嘅危險去拍,唔係講笑,真係有個雷兜頭劈落嚟,等咗幾個鐘先稍為停雨,爭取時間步行超過1000級樓梯上去,拍完再趕快落樓梯,驚又再行雷閃電,呢個人(陳展鵬)就笑我係咪落樓梯腳在震,我的確係控制唔到肌肉,因為腳好攰,唔停咁震,俾佢發現咗,拎嚟笑我。」

薇薇被展鵬發現腳震拎嚟取笑。
薇薇被展鵬發現腳震拎嚟取笑。

薇薇就笑指這齣劇個個都係運動健將,她亦無蝕底穿瑜伽衫做運動,展鵬再次踢爆薇薇拍一個起飛腳動作,足足踢了個多小時逾50次,他笑問薇薇:「拍打戲好唔好玩呀?」薇薇話:「真係好攰呀!腳都瘀哂!」


至於全劇「最疏扶」的張頴康,經常都偷閒練高爾夫球。康仔笑說:「我呢個精神病人,響監獄裏面,又唔使化妝同梳頭,我喺度等大家埋位有好多時間嘛,又對住成個草地,既然我車尾長期有兩枝高爾夫球棍,就當然利用一下時間練習啦,點知俾工作人員拍低咗視頻,話我真係似足精神病人,所以呢個角色唔使培養情緒,我一嚟就入戲。」\

最疏夫的張頴康。
最疏夫的張頴康。

至於黃智賢(Ben)與蔣祖曼(Joman)這一對,幕前就甜蜜溫馨,但Ben被Joman爆是開籠雀:「Ben一日到黑,只要未埋位前就唱歌,表演慾非常強,有時拍到半夜突然傳來午夜歌聲,佢話可以令大家唔眼瞓,不過佢真係唱得好好聽,仲俾我偷拍到佢,我成日都問佢幾時帶我去登台。」

Ben唱歌被Joman拍片。
Ben唱歌被Joman拍片。
星級企業大獎2020 姜濤 陳卓賢
人氣 TRENDING
王力宏 梅艷芳 李靚蕾 姜濤 MIRROR ERROR 張家朗 香港小姐 聲夢傳奇 炎明熹