鍾培生同林作由網上罵戰，到上擂台打拳賽都受到網民關注，林作同鍾培生嘅拳賽《培生擂台：無敵盃2021 WE ARE CHAMPS 2021》將於9月18日晚上於九展舉行，門票噚日正式開賣，價錢高達＄28,800嘅超級VVIP門票經已售罄。
拳賽門票喺噚日開始公開發售，門票價格主要分為3個組別，包括港幣$1,280至2,580元的一般組別、港幣$4,800至8,800元的VIP 組別、港幣$12,800至28,800元的VVIP組別。雖然《培生擂台》門票價格比一般演唱會門票更高，但截至今日，大部分門票已售罄，現只剩下$2580及$1280嘅一般組別門票，反應熱烈到有炒價。而林作喺IG就話歡迎佢嘅支持者買飛支持佢，唔好令成場都係佢（鍾培生）嘅人。
圖片來源：林作、鍾培生＠Instagram
