Advertisement

李龍基等Chris重獲自由即結婚 自揭冇樓冇錢:佢真係鍾意我

本地
2024.02.21
李隆基揚言Chris一出來就跟她結婚。圖片來源:明報
李隆基揚言Chris一出來就跟她結婚。圖片來源:明報
【今日睇咗未?】李龍基等Chris重獲自由即結婚 自揭冇樓冇錢:佢真係鍾意我|張兆輝農曆生日寶貝女送吻 獲老婆認證:品德一流(21/02/2024)

李龍基今日自廣州趕返香港,直奔大欖懲教所辦理核實身份手續探望涉在港逾期居留遭還柙的未婚妻王青霞(Chris),乘坐專車進入懲教所期間,李龍基突然心情激動,拿出手帕背向傳媒飲泣,哭至雙眼通紅。

李龍基強忍淚水說:「好多事我都唔知原來咁大鑊,我以為只係逾期居留,唔係大件事。原來好多事,我都唔知。」並指從沒懷疑過Chris,只嬲對方有事不跟他商量。

前後逗留了約20分鐘後離開的李龍基再受訪,揚言等王青霞一出來就結婚,並說︰「經過呢個教訓,我相信佢一定會變番好,唔會再有咩事唔同我商量、欺騙我。我相信佢唔會,呢個教訓好大。」

對於外界質疑王青霞為錢才跟他一起,李龍基當天發誓,說二人相識多年,對方從沒在他身上斂財,否則不會發展到今天。對於王青霞涉偽造文件,李龍基指未婚妻其實都是受害者,在申請其中一張證書上受騙,他會找出證據為未婚妻洗脫嫌疑。

在等車入懲教所期間,李龍基突然心情激動爆喊。圖片來源:明報
在等車入懲教所期間,李龍基突然心情激動爆喊。圖片來源:明報

李龍基又謂王青霞有道歉︰「佢覺得累咗我,我覺得唔係。既然發生咗,我會堅強面對,希望佢都係。唉,希望佢受到教訓,重新做好人。我唔需要問佢仲有冇嘢呃我,如果佢經過咁大挫折都唔坦白,我唔可以原諒,但我感覺到佢已坦白一切。」他自言年紀大,不知道明天會發生什麼事,突然「走」了也不出奇,因此王青霞疫情期間不想隔離,故他嘆謂︰「可能係我間接累咗佢。」

李龍基不明白為何那麼多人要針對王青霞,令事情愈變愈大,不排除有人寫信舉報王青霞,令入境處展開調查。李龍基知道外界擔心他受騙,重申未有將7個物業轉名至女方名下,他7個物業是給了前妻作為離婚補償。李龍基強調︰「我依家名下冇物業,錢又唔多,佢仲跟住我,咁就證明佢唔係為我啲錢,佢真係鍾意我呢個人,鍾意我性格,大家興趣相似,至合得來,佢搵到個Right Man。」

李龍基強調重申未有將7個物業轉名至女方名下。
李龍基強調重申未有將7個物業轉名至女方名下。

李龍基坦言王青霞在這宗官司沒什麼勝算機會,目前只希望法官能網開一面,減輕判刑,他會寫求情信。他指王青霞日後重獲自由後會被遞解出境,但不成問題,兩人可在內地結婚及定居。說到這裏,李龍基再次激動起來,哽咽表示︰「我答應佢,佢出嚟,我一定會娶佢,一定同佢結婚,所以我叫佢唔好擔心,喺邊度簽字都冇所謂,不過好大程度會入國內簽字。」

MIRROR 星級企業大獎2020 陳卓賢
人氣 TRENDING
王力宏 梅艷芳 李靚蕾 姜濤 MIRROR ERROR 張家朗 香港小姐 聲夢傳奇 炎明熹