Advertisement

李璨琛囡囡輪住感染腺病毒 Lucy病容照網民又笑又心痛

本地
2024.04.25
撰文:孜卓芹
Sophia貼上大女Lucy病容照。
Sophia貼上大女Lucy病容照。

李璨琛育有兩名分別6歲和1歲的女兒李元元(Lucy)及李斐斐(Sucy),多得太太梁志瑩(Sophia)經常在社交網分享囡囡的生活日常,甚得網民喜愛。昨日深夜Sophia在ig限時動態帖文,透露兩個女兒相繼生病:「最近心好累,家姊之前腺病毒搞咗成個幾禮拜,好返冇耐,又突然間發高燒流鼻涕,今日又咳到肺癆咁,然後阿妹琴日又突然間發高燒,跟住今日又發現佢有好多眼膠,然後我發現佢應該都係中咗腺病毒,我今日就係不停幫阿妹抹眼屎搽精油叫家姊食中藥,無限輪迴。#小朋友病真係慘過自己病 #徘徊在客服梁與護士梁之間」。

Sophia深宵發文敘述兩女兒病情。
Sophia深宵發文敘述兩女兒病情。

今日Sophia再貼上Lucy大字型攤睡牀上的病容照,留言:「一睇就知佢琴日經歷咗好多 #好一個咳到懷疑人生嘅樣 #媽媽最近都真係headintheclouds」。網民都戥Lucy陰公大嗌心痛,紛紛祝兩姊妹早日康復,但亦有網民話:「媽媽影到咁,我真係好難唔笑」。

李氏這一家病都可以令人笑。
李氏這一家病都可以令人笑。

近日香港天氣不穩定,很多小朋友都感染了腺病毒,之前就有吳浩康的1歲半兒子、陳柏宇1歲細女都感染了,令父母都很擔心和心痛。據衛生署健康資訊,腺病毒是一組感染人類黏膜的病毒。因應不同的血清類型,病毒可引致呼吸系統症狀,亦可導致腹瀉、眼睛發炎及紅疹。腺病毒感染全年皆會發生。
病徵方面,不同血清類型的腺病毒可引致不同的病徵,例如咳嗽、流鼻水、喉嚨痛及發燒等呼吸道感染病徵;腹痛及腹瀉等腸道感染病徵;及眼睛發炎(紅眼症)。
有關傳播途徑,腺病毒主要透過飛沫(如咳嗽或打噴嚏)、直接接觸患者的口鼻分泌物(例如與患者握手,或接觸受污染的物件表面),或進食受污染的食物或食水傳播;及可於學校及醫院等院舍內引致急性呼吸道及眼睛感染的爆發。
潛伏期一般為2至14天。此病症並無特別的抗病毒療法,患者一般依靠輔助性治療及補充水分。

陳卓賢 MIRROR 星級企業大獎2020
人氣 TRENDING
王力宏 梅艷芳 李靚蕾 姜濤 MIRROR ERROR 張家朗 香港小姐 聲夢傳奇 炎明熹