Advertisement

李幸倪自爆幾層樓揸手 屢遇渣男諗過同fans拍拖

本地
2023.12.28
撰文:孜卓芹
Gin話在大馬有多層樓在手。
Gin話在大馬有多層樓在手。

李幸倪(Gin Lee)最近擔任網上頻道「冤枉娛樂」節目《枉談》首集嘉賓,昨晚(27日)正式上架。Gin表示全家都十分支持她入行,更謂家人覺得她不做歌手是浪費了她的才華,家姐更放棄馬來西亞的東西,到香港陪她工作,「係唔簡單,我都好appriciate佢嘅勇氣。」

對被指生活樸素跟其他藝人不同,Gin表示其實自己也會買奢侈品,只是沒有曬給大家看,並自爆有做適當投資:「我唔鍾意炫富,我唔係好有錢,但係我覺得冇需要俾其他人睇我有幾好,喺馬來西亞有好多層樓,唔通又話你知咩!下一個目標就要喺香港買樓啦!」

Gin表示有買奢侈品但不愛炫富。
Gin表示有買奢侈品但不愛炫富。

談到感情事,Gin表示讀大學才初戀,戀愛次數五隻手指數得晒,但仍給她遇上劈腿賤男及控制狂男友,「發現個女仔post咗佢哋嘅合照,我先知道『啊!原來你有咗第二個。』我有同佢坐低傾,佢怪責我先,佢覺得我鍾意咗第二個,佢就慢慢fade out同第二個一齊,佢嘅意思係人哋都追你囉,覺得我變心,但我冇。」Gin坦言想繼續為這段感情努力,但對方拒絕,「傷心㗎都,我揀男仔係差啲,我朋友成日話我『你啲眼光真係麻麻哋。』」

Gin又遇過控制狂男友,「着得性感少少又唔得,喺台上面唱歌,有第二啲男人望住我又唔得,又係我錯,又要控制我唔可以做歌手,『要做歌手就做教會歌手!』類似呢啲,個價值觀係完全唔同。」這次經歷後,令Gin成長了很多,亦認清自己適合哪䫶型的男生。

Gin坦承感情事。
Gin坦承感情事。

被問有否試過跟fans拍拖?Gin突然猶豫片刻,才答:「曾經有諗過,最尾冇。」原來曾經有位fans向她展開追求,「我好insecure,成日會諗到最worst狀況,佢會唔會爆我啲秘密?佢會唔會點……會驚呢啲。」所以她每次拍拖的對象都是要由朋友開始,認識兩年以上。

談到從舊東家到今年簽約新公司,Gin自言當中經歷了一段迷惘、不知所措的時間,更曾有放棄的念頭。

星級企業大獎2020 陳卓賢 姜濤
人氣 TRENDING
王力宏 梅艷芳 李靚蕾 姜濤 MIRROR ERROR 張家朗 香港小姐 聲夢傳奇 炎明熹