Advertisement

李幸倪校園騷被圍返唔到上台 鄧小巧教路夾實胳肋底舒緩緊張

本地
2024.05.28

whatsapp-image-2024-05-28-at-5-03-06-pm-5 whatsapp-image-2024-05-28-at-5-03-06-pm-10日前,《EEG電笠人人和音校園巡演》第二場於海洋公園舉行,七位歌手包括Gin Lee李幸倪、泳兒(Vincy)、鄧小巧許靖韻(Angela)、黃明德(Dark)、洪助昇(Aiden)以及今年新人曾傲棐(Arvin),當晚除了唱歌,還跟台下學生們大玩遊戲,又分享自己面對逆境時如何處理,藉以鼓勵一眾年輕人;曾參與首場演出的張敬軒,雖然這次未能出席,但亦拍片為學生打氣,十分窩心。

當晚首先出場的Vincy唱出新歌《撞到正》,當她唱到副歌一段時,台下觀眾配合地大叫歌詞中的「鬼」字,全場氣氛熾熱,隨後她又唱出近年暗黑系列的代表作《溝渠暢泳》,唱完後,大會司儀劉若寶(Polly)提到有同學問,如何面對別人對自己的負評?Vincy認為最重要是「揸住宗旨」,「所有好同唔好comment,我都會睇,因為我想自己進步,同埋亦係氣度問題,要慢慢去磨練,你就會識得去過濾一啲唔應該要聽、或者邊一啲先係可以令自己進步。」有學生則想小巧解答,如何克服唱歌比賽因緊張而失準的情況?小巧表示就算舞台經驗十足的歌手,在台上緊張也是十分合理,在台上面着對無數的目光,是很需要勇氣,不過這都可以透過身體的練習而得到幫助,「係一位老師教我,就係夾胳肋底,哈哈!夾實胳肋底,然後hold住呼吸,hold到再換氣為止,可能做十幾次,原意就係令你本身緊張嘅肌肉學識放鬆,所以我一陣準備唱歌,依家要夾吓先,哈哈!」全場頓時大笑。

有學生提到自己明年考大學,但仍未找到自己興趣選定科目,問Angela當初是如何選科?聽到問題後,Angela尷尬地謂自己當年完全沒有這個煩惱,「我喺會考同A-Level時已經諗定,如果讀大學,我會take finance呢一科,所以當時我都好快就揀咗,但我知道好多同學仔去到DSE,都未知道或者未決定大學想讀乜科,其實唔緊要,因為仲有青春、仲有時間,可以諗。」

壓軸出場的Gin,未出場觀眾已嗌到拆天,演唱新歌《告別媒氣燈》及《企好》時,Gin更走到台下跟觀眾自拍及俾心心,觀眾熱情令最後歌曲結束後,Gin因為觀眾的包圍而寸步難行,未能返回台上,場面十分搞笑。有同學問到,生於音樂世家的Gin,會否因為父母對她的期望而感到壓力?Gin坦言自己比較幸運,父母從來沒有給她壓力,只要求她一件事情,「就係我揀定一樣嘢,就要全心去做。回應返嗰位同學仔,如果本身有天賦,我覺得可以嘗試去發展一吓,但如果冇乜嘅話,可能要同你屋企人溝通,或者可以propose『我覺得自己天賦喺另外一方面,會唔會我都可以嘗試吓行另一條路?』真誠嘅溝通交流係最好!」

聲夢傳奇 姜濤 星級企業大獎2020
人氣 TRENDING
王力宏 梅艷芳 李靚蕾 姜濤 MIRROR ERROR 張家朗 香港小姐 聲夢傳奇 炎明熹