Advertisement

李司棋笑MC似小朋友唔識煮飯 狂講有味笑話張敬軒怕被黃標

本地
2023.12.01
撰文:卡林
whatsapp-image-2023-12-01-at-4-16-44-pm-13
軒仔找來MC張天賦任嘉賓,二人來個廚藝大對決,更請來識飲識食識煮的李司棋擔任評判。

張敬軒主理的綜藝節目《軒公敲碗》新一集,找來MC張天賦任嘉賓,二人來個廚藝大對決,更請來識飲識食識煮的李司棋擔任評判。 比賽分為兩個回合,第一回合熱身賽,大會指定菜式是酸菜魚,限時六十分鐘。比賽過程中二人不准查看食譜,最後成品交給司棋姐盲測試味,第二個回合是創意料理,限時九十分鐘,兩位盲選食材後,再抽出烹煮方式,包括日、中及法式,期間司棋姐從旁督導。

 

第一回合, MC問為甚麼會想到找他參加廚藝大對決,軒仔坦言:「因為一睇就知你唔識。」烹調約半小時後,只見軒仔已經煮得七七八八,又開始試味,MC說:「橫掂都係試,不如試埋我呢個。」軒仔斷言拒絕,笑說:「等我腸胃好啲先呀。」期間二人亦烏龍百出,軒仔將魚處理好後,將砧板上的垃圾掉進垃圾桶時,竟順手將砧板一同掉進垃圾桶內,嚇到他立即大叫;而MC在處理魚時說:「好好呀,佢哋事先幫我哋刮咗啲鱗。」軒仔聽到後便細心摸魚再望清楚,「吓!刮咗鱗咩?未喎……未刮魚鱗喎。」恍然大悟的MC立即默默刮鱗,十分搞笑。這時司棋姐已經到達,看着手忙腳亂的MC,司棋姐會心微笑說:「原來睇小朋友唔識煮飯係好好笑。」六十分鐘後,二人將煮好的酸菜魚給司棋姐盲試,試食前,司棋姐說:「我行入嚟嘅時候聞到好香。」軒仔即謂:「我以為你話有種不祥嘅預感。」試食後,司棋姐表示第一碗適合香港人口味,「因為唔係好酸好鹹或者好辣,其實真係唔差,就算冇飯都好好食喎。」第二碗則「哽少少」,然後便問MC:「你係唔係……」軒仔立即突破盲腸,「一食就知係佢啦係嘛?都無謂再演落去啦我覺得。」眾人立即大笑,最後司棋姐作出評語:「喺溫柔方面,呢個(MC)一百分,喺味道方面,呢個(軒仔)有一百分。」

 

第二回合,司棋姐為軒仔選的食材是雞、MC則是象拔蚌;而烹調方法,軒仔抽到中式、MC抽到法式,全場都為MC抽到法式煮法而爆笑!MC表示準備煮的時候給象拔蚌起了一個名字,「不如叫佢『軒仔』啦,好唔好呀?因為『軒仔』呢個名好親切。」司棋姐聽到後立即大笑。當MC清洗象拔蚌時,又大講有味笑話,「『軒仔』噴嘢(水)呀」、「『軒仔』黐黐立立」、「幫『軒仔』洗乾淨」,軒仔即謂:「黃標㗎條片會俾人!」九十分鐘過去,經過兩輪戰鬥,輸家的懲罰是要清潔現場所有的碗碟,司棋姐認為兩味菜都十分出色,要她決定誰勝誰負非常殘忍,所以要二人猜包剪揼一決勝負,最後MC勝出,軒仔願賭服輸立即洗碗。

MIRROR 星級企業大獎2020 姜濤
人氣 TRENDING
王力宏 梅艷芳 李靚蕾 姜濤 MIRROR ERROR 張家朗 香港小姐 聲夢傳奇 炎明熹