Advertisement

李克勤趕及回港度56歲生日 美國巡唱現兜兜收一百美金利市

本地
2023.12.06
撰文:Rita
whatsapp-image-2023-12-06-at-7-59-57-pm
李克勤剛完成4場美國巡迴演唱會,剛好趕到生日前回港,今日(6日)正日可以跟家人一同度過56歲生辰。

李克勤剛完成4場美國巡迴演唱會,剛好趕到生日前回港,今日(6日)正日可以跟家人一同度過56歲生辰。今年的生日願望,克勤笑謂:「都係咁上下,願望最好唔好公開,免得唔靈驗。我只可以講,2023年係好感恩一年,無論工作健康,所有都順順利利,非常充實同開心。多謝各方好友的祝福。」兩星期巡迴大西洋城、拉斯維加斯及RENO三地,是他至今飛得最多的一年,每個月最少飛5、6次,工作幾乎沒停,故聖誕節他準備送給自己一份聖誕大禮:「就係咩都唔做,休息一下,同屋企人一齊去旅行玩。」

 

克勤謂此行飛美國,以往要他執兩星期衫,是一件非常頭痛的事,但這一年已把他訓練有素,現在已成為一名執行李專家,並且出門會連洗衣機也帶在身邊,是一部小型洗衣機。「不過今次我都有蝦碌一面,就係唔記得美國電壓同香港唔一樣,最後為咗個洗衣機,我再撲咗個變壓器。」是次美國的4場演唱會反應非常熱烈,據知克勤每到之處都有歌迷為他準備利市,他坦言多年來都有歌迷送利市給他,今次有歌迷不用利市封,直接送上一百蚊美金。他笑說:「我喺台上都有一刻閃過,現金收唔收?最後都係開心接受啦,利市呢啲嘢,老人家教落千祈唔好唔收,推走『利市』係唔吉利㗎。」並謂照舊全部撥到兩個仔的助學基金。此外,克勤表示休息日在拉斯維加斯打哥爾夫球,遇上香港第一陳芷澄(Tiffany ),「大家一齊打波,又食咗飯,好開心。另外又去睇U2喺Sphere個騷,似太空館放大一百倍,但視覺效果同設計,真係令你嘆為觀止,應該算係我人生睇過,最震撼同最高視覺享受嘅騷。」

聲夢傳奇 星級企業大獎2020 MIRROR
人氣 TRENDING
王力宏 梅艷芳 李靚蕾 姜濤 MIRROR ERROR 張家朗 香港小姐 聲夢傳奇 炎明熹