Advertisement

李克勤為囝囝八年冇社交活動 新歌MV邀袁富華坐鎮

本地
2023.04.26
撰文:卡琳
whatsapp-image-2023-04-26-at-7-32-20-pm
克勤新歌MV以「散聚有時」為基礎。

下月將與香港管弦樂團舉行紅館演唱會的李克勤,今天(26日)推出新歌《弦續》,並同步宣布六場紅館爆滿,現加開5月20日終極尾場,5月3日公開發售。新歌MV以「散聚有時」為基礎,並以婚禮現場及教堂追思會作為兩大場景,克勤坦言因為疫情,已很久沒有拍過這麼「多人」的MV,他說:「台前幕後好多人,開頭係有啲唔慣,因為真係好耐冇拍過MV,唔知以為自己社交驚恐,哈哈,不過好快就適應,氣氛好熱鬧。」

whatsapp-image-2023-04-26-at-7-32-20-pm-8

克勤指MV中有很多大家熟悉的面孔出現:「呢個MV其實係講曾經一班友,大家一齊玩音樂,但經過咗一段時間後,就各有各嘅生活,可能有啲已離開咗香港,甚至離開咗呢個地方,又或者有唔同嘅人生經歷,過咗咁多年後又再聚埋一齊嗰個感覺,好濃厚嘅人情味。所以其實咁多人拍攝係好開心,同埋需要一啲好出色嘅演員去做,最開心邀請到袁富華演出,佢之前拎過金像獎、金馬獎男配角,亦都提名過金馬獎最佳男主角,仲有駱振偉同蔡潔就係飾演一對新婚夫婦。」

 

克勤又指錄歌時已經感受很深,以前總以為,人生最美好的是相遇。現在才明白,其實難得的是重逢。到今時今日更加覺得,最希望所有朋友都別來無恙,他說:「其實我做咗爸爸之後,都長達七、八年冇乜社交活動,時間除咗分咗比工作,就幾乎用晒喺家人身上,囝囝大咗先開始有返空間見多啲朋友,所以唱時都好有感覺,歌詞講到好多人長大後的心聲。」他又表示這個年紀,多少也會有這樣的經歷,因為各種原因,將感情放在一旁:「曾經嘅一啲老死,會因為大家嘅生活圈子、方式、環境唔同咗,感情可能擺埋一邊。當然隔咗咁多年之後冇見,就少不免會想當年,每一次都係咁,以我嘅經驗嚟講。」

陳卓賢 星級企業大獎2020 MIRROR
人氣 TRENDING
王力宏 梅艷芳 李靚蕾 姜濤 MIRROR ERROR 張家朗 香港小姐 聲夢傳奇 炎明熹